അധ്യാപകരെ ആദരിച്ചു

തിരുവല്ല: തിരുമൂലപുരം മഹാത്മാഗാന്ധി സ്മാരക ഗ്രന്ഥശാല സ്വാതന്ത്ര്യദിനത്തി​ൻെറ പ്ലാറ്റിനം ജൂബിലി ആഘോഷങ്ങളുടെ ഭാഗമായി 1947ന് മുമ്പ്​ ജനിച്ച അധ്യാപകരെ അധ്യാപകദിനത്തിൽ ആദരിച്ചു. മാത്യു ടി. തോമസ് എം.എൽ.എ മംഗളപത്രം നൽകി ഉദ്ഘാടനം ചെയ്തു. 67 റിട്ട. അധ്യാപകരെയാണ് ആദരിച്ചത്. ഗ്രന്ഥശാല പ്രസിഡൻറ്​ ടി.എ. റെജി കുമാർ അധ്യക്ഷത വഹിച്ചു. വൈസ് പ്രസിഡൻറ്​ തോമസ് വർഗീസ്, ഡോ. ആർ. വിജയമോഹൻ, പ്രേംകുമാർ, ജി. സുനിൽ, അജി തമ്പാൻ, കോശി ജേക്കബ്, സാബു ദാനിയേൽ, അഞ്​ജന ഉണ്ണികൃഷ്ണൻ എന്നിവർ സംസാരിച്ചു.