പന്തളത്ത്​ കോവിഡ് വ്യാപനം രൂക്ഷം

പന്തളം: കോവിഡ് വ്യാപനം രൂക്ഷമാകുന്നതിനെത്തുടർന്ന്​ പന്തളത്ത്​ നിയന്ത്രണങ്ങൾ കടുപ്പിക്കണമെന്ന് ആരോഗ്യ വകുപ്പ്​ റിപ്പോർട്ട് നൽകി. ജനങ്ങളുടെ ജാഗ്രതക്കുറവാണ്​ കാരണമെന്നാണ്​ വിലയിരുത്തൽ. കഴിഞ്ഞ ഘട്ടത്തിൽ പന്തളത്ത് കടയ്ക്കാട്, ചേരിക്കൽ മേഖലകളിലാണ് കോവിഡ് ഏറെ തീവ്രമായിരുന്നത്. കഴിഞ്ഞ രണ്ടുദിവസങ്ങളിൽ നഗരസഭ പരിധിയിൽ നൂറിലധികം കോവിഡ് ​േകസുകൾ റിപ്പോർട്ട് ​ചെയ്​തു. കുളനട, തുമ്പമൺ പഞ്ചായത്തുകളിലും രോഗികൾ കൂടി. കടയ്​ക്കാട് മേഖലകളിലും സ്ഥിതി രൂക്ഷമാണ്​. ഇവിടങ്ങളിൽ മിക്ക വീടുകളിലും അന്തർസംസ്ഥാന തൊഴിലാളികൾ താമസിക്കുന്നുണ്ട്.