കുന്നന്താനത്ത്​​ കോവിഡ് പരിശോധന വേണം

മല്ലപ്പള്ളി: കുന്നന്താനം പ്രാഥമികാരോഗ്യകേന്ദ്രത്തിൽ വാക്സിൻ സ്വീകരിക്കാൻ എത്തുന്നവരെ കോവിഡ് പരിശോധനക്ക് വിധേയമാക്കണമെന്ന് യുത്ത് കോൺഗ്രസ് യോഗം ആവശ്യപ്പെട്ടു. ടി.പി.ആർ നിരക്ക് കുറക്കുന്നതിന് കോവിഡ് പരിശോധന ശരിയായ രീതിയിൽ നടത്തേണ്ടത് ആവശ്യമാണ്. ടി.പി.ആർ നിരക്ക്​ ഉയർന്ന് നിൽക്കുന്നതിനാൽ വ്യാപാരമേഖലയും മറ്റ്​ തൊഴിൽമേഖലകളുമൊക്കെ പ്രതിസന്ധി നേരിടുകയാണ്. ടി.പി.ആർ കുറക്കാനുള്ള നടപടിക്രമങ്ങൾ പഞ്ചായത്തി​ൻെറ ഭാഗത്തുനിന്നും ആരോഗ്യവകുപ്പി​ൻെറ ഭാഗത്തുനിന്നും ഉണ്ടാകുന്നില്ലെന്നും യോഗം കുറ്റപ്പെടുത്തി. നിയോജക മണ്ഡലം പ്രസിഡൻറ്​ അഖിൽ ഓമനക്കുട്ടൻ ഉദ്ഘാടനം ചെയ്തു. മണ്ഡലം പ്രസിഡൻറ്​ നിബിൻ കോശി, ജോജോ വടവന, അഭിജിത് പാലത്തിങ്കൽ, സുബി റിതേഷ്, ഗോകുൽ അമ്പാടി എന്നിവർ സംസാാരിച്ചു.