പഠനോപകരണങ്ങൾ വിതരണം ചെയ്യും

പന്തളം: പന്തളം എൻ.എസ്.എസ് ബോയ്സ് ഹൈസ്കൂളിൽ പഠനോപകരണങ്ങളും ഓൺലൈൻ പഠനത്തിന്​ മൊബൈൽ ഫോണുകളും വിതരണം ചെയ്യും. തിങ്കളാഴ്ച രാവിലെ 11ന് സ്കൂളിൽ എൻ.എസ്.എസ് ഡയറക്ടർ ബോർഡ്​ അംഗവും പന്തളം താലൂക്ക് യൂനിയൻ പ്രസിഡൻറുമായ പന്തളം ശിവൻകുട്ടി വിതരണോദ്ഘാടനം നിർവഹിക്കും. പി.ടി.എ പ്രസിഡൻറ്​ കെ.ആർ. പ്രസന്നകുമാർ അധ്യക്ഷത വഹിക്കും. ഹെഡ്മിസ്ട്രസ് ശ്രീലത, നഗരസഭ കൗൺസിലർ സക്കീർ, എൻ.എസ്.എസ് ഹയർ സെക്കൻഡറി സ്കൂൾ പ്രിൻസിപ്പൽ ഗീതാദേവി, പന്തളം എസ്.എച്ച്.ഒ എസ്. ശ്രീകുമാർ, പി.ടി.എ വൈസ് പ്രസിഡൻറ് കെ.എ. ഗോപാലകൃഷ്ണൻ നായർ, സ്​റ്റാഫ് സെക്രട്ടറി കെ.ആർ. സുധാദേവി എന്നിവർ സംസാരിക്കും.