ജില്ല 'അൺലോക്ക്​ഡ്​'

ptl th 1 പത്തനംതിട്ട: ലോക്​ഡൗൺ ഇളവുകളെത്തുടർന്ന്​ ജില്ല സാധാരണനിലയിലേക്ക്​. ഒന്നരമാസത്തെ വീട്ടിനുള്ളിലെ ലോക്​ഡൗണ്‍ ജീവിതം ഏറക്ക​ുറെ അവസാനിച്ചതി​ൻെറ സന്തോഷത്തിലാണ്​ എല്ലാവരും​. എങ്കിലും കോവിഡ്​ വരുത്തിവെച്ച പ്രതിസന്ധികളും ആശങ്കകളും എല്ലാവരെയും അലട്ടുന്നുണ്ട്​. രോഗവ്യാപന തോതി‍ൻെറ അടിസ്ഥാനത്തില്‍ പ്രാദേശിക തലത്തിലായിരിക്കും ഇനി ഇളവുകളും നിയന്ത്രണങ്ങളും ഉണ്ടാകുക. നഗരങ്ങളിലെല്ലാം വലിയ തിരക്കാണ്​ വ്യാഴാഴ്​ച അനുഭവ​െപ്പട്ടത്. കാര്യമായ പൊലീസ്​ നിയന്ത്രണങ്ങൾ ഇല്ലായിരുന്നു. അവശ്യസാധനങ്ങൾ വിൽക്കുന്ന കടകൾ, പച്ചക്കറി, മത്സ്യവിൽപന കടകൾ, ബേക്കറികൾ, ഹോട്ടലുകൾ, തുണിക്കടകൾ, ജ്വല്ലറികൾ തുടങ്ങി എല്ലാ കടകളും തുറക്കുന്നുണ്ട്​. ഹോട്ടലുകളിൽ പാർ​സൽ മാത്രമാണ്​ അനുവദിക്കുന്നത്​. ആഴ്​ചകൾക്കുശേഷമാണ്​ ചില വ്യാപാര സ്ഥാപനങ്ങൾ തുറന്നത്​. കനത്ത സാമ്പത്തിക പ്രതിസന്ധിക്കിടെയാണ്​ വ്യാപാരികൾ കടകൾ തുറന്നത്​​. വാടക കുടിശ്ശിക, കറൻറ്​ ചാർജ്,​ തൊഴിലാളികളുടെ ശമ്പള കുടിശ്ശിക ഇതൊക്കെ എങ്ങനെ നൽകാൻ കഴിയുമെന്നറിയാതെ വിഷമിക്കുകയാണ്​ പലരും. കടകളിൽ അത്ര തിരക്ക്​ അനുഭവപ്പെടുന്നതും ഇല്ല. സാമ്പത്തിക പ്രതിസ​ന്ധികാരണം അത്യാവശ്യ സാധനങ്ങൾ മാത്രമാണ്​ ആളുകൾ വാങ്ങുന്നത്​. കേന്ദ്ര-, സംസ്ഥാന ഓഫിസുകളും തുറന്ന്​ പ്രവർത്തിച്ചു തുടങ്ങി. റൊ​േട്ടഷൻ അടിസ്ഥാനത്തിൽ പകുതി ജീവനക്കാർ മാത്രമാണ്​ എത്തുന്നത്​. അക്ഷയ കേന്ദ്രങ്ങളും തുറക്കുന്നുണ്ട്.​ ബാങ്കുകൾ തുറക്കുന്നതിന്​ നിയന്ത്രണങ്ങളുണ്ട്​. തിങ്കൾ, ബുധൻ, വെള്ളി പ്രവൃത്തിദിവസങ്ങളാണ്.​ കോവിഡ്​ മാനദണ്ഡങ്ങൾ പാലിച്ച്​ കെ.എസ്​.ആർ.ടി.സിയും അപൂർവം സ്വകാര്യബസുകളും സർവിസ്​ നടത്തുന്നുണ്ട്​. പക്ഷേ, യാത്രക്കാർ തീരെ കുറവാണ്​. പത്തനംതിട്ട ഡിപ്പോയിൽനിന്ന്​ വ്യാഴാഴ്​ച 25 സർവിസ്​ ഉണ്ടായിരുന്നു. ദീർഘദൂര യാത്രക്കും യാത്രക്കാർ കുറവാണ്​. വരും ദിവസങ്ങളിൽ കൂടുതൽ യാത്രക്കാരെ ലഭിക്കുമെന്നാണ്​ പ്രതീക്ഷ. സ്വകാര്യ ബസുകൾ സർവിസ്​ ആരംഭിച്ചിട്ടില്ല. വളരെ പരിതാപകരമായ അവസ്ഥയിലാണ്​ സ്വകാര്യ ബസുകാർ. ആഴ്​ചകൾക്കുശേഷം അറ്റകുറ്റപ്പണി നടത്തി ഒരു ബസ്​ പുറത്തിറക്കണമെങ്കിൽ വലിയ തുക വേണ്ടി വരും. ഇതിന്​ മിക്ക ബസ്​ ഉടമകളും കൈയിൽ നയാപൈസ ഇല്ലാതെ വലയുകയാണ്​. ഇ​പ്പോഴത്തെ സാഹചര്യത്തിൽ ഓടിയാൽ യാത്രക്കാരെപ്പോലും കിട്ടില്ല. ഉൾപ്രദേശങ്ങളിൽ യാത്രക്കാർ കൂടുതലും സ്വകാര്യ ബസുകളെയാണ്​ ആശ്രയിക്കുന്നത്​. സ്വകാര്യബസ്​ സർവിസ്​​ പൂർണമായും നിലച്ചാൽ വലിയ യാത്രാ​േക്ലശം ജില്ലയിൽ അനുഭവപ്പെടും. ജില്ലയിലെങ്ങും ബിവറേജസ്​ മദ്യവിൽപന ശാലകളുടെ മുന്നിൽ ആദ്യ ദിവസം നീണ്ട ക്യൂവായിരുന്നു. ആൾക്കൂട്ടം നിയന്ത്രിക്കാൻ പൊലീസും ഉണ്ടായിരുന്നു. ​ടെസ്​റ്റ്​ പോസിറ്റിവിറ്റി നിരക്കനുസരിച്ച് ജില്ലയി​െല തദ്ദേശ സ്ഥാപനങ്ങളെ എ.ബി.സി എന്നിങ്ങനെ കാറ്റഗറി തിരിച്ചിട്ടുണ്ട്​. സീതത്തോട്, കുറ്റൂര്‍, ആനിക്കാട്, നാറാണംമൂഴി എന്നീ ഗ്രാമപഞ്ചായത്തുകള്‍ സി യിലാണ്​. ഈ പഞ്ചായത്തുകളില്‍ സമ്പൂര്‍ണ ലോക്ഡൗണ്‍ ആയിരിക്കും. ട്രിപ്പിള്‍ ലോക്ഡൗണ്‍ പരിധിയില്‍ വരുന്ന കാറ്റഗറി ഡിയില്‍ ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ ഉള്‍പ്പെടുന്നില്ല. വരുംദിവസങ്ങളിൽ കോവിഡ്​ മാനദണ്ഡങ്ങൾ ലംഘിച്ച്​ പെരുമാറിയാൽ രോഗികളു​െട എണ്ണം വർധിക്കുകയും അത്​ മൂന്നാം തരംഗത്തിലേക്ക്​ എത്തിക്കുകയും ചെയ്യുമെന്ന്​ ആരോഗ്യവകുപ്പ്​ മുന്നറിയിപ്പുണ്ട്​. പടം.....mail...... പത്തനംതിട്ടയിലെ തിരക്ക്​......