നിർമാണ സാമഗ്രികൾ തടയുന്നതായി പരാതി

മല്ലപ്പള്ളി: ലോക് ഡൗൺ കാലയളവിൽ നിർമാണ പ്രവർത്തനങ്ങൾ നടത്താമെന്ന മുഖ്യമന്ത്രിയുടെ നിർദേശം ഉണ്ടെങ്കിലും നിർമാണ സാമഗ്രികളുമായി വരുന്ന വാഹനങ്ങൾ തടയുകയും പിഴ ചുമത്തുകയും ചെയ്യുന്നതായി പരാതി. പാറക്കല്ല്​, സിമൻറ്​, മെറ്റൽ, കമ്പി, പാറമണൽ തുടങ്ങിയ അസംസ്കൃത സാധനങ്ങൾ പൊലീസ് തടയുകയും പിഴച്ചു മത്തുകയും ചെയ്യുന്ന നടപടിയിൽ ഐ.എൻ.ടി.യു.സി മോട്ടോർ തൊഴിലാളി ഫെഡറേഷൻ ജില്ല കമ്മിറ്റി പ്രതിഷേധിച്ചു. നിർമാണ പ്രവർത്തനങ്ങൾ നടക്കാത്തതു മൂലം തൊഴിലാളി കുടുംബങ്ങളുടെ അവസ്ഥ പരിതാപകരമാണ്. വാഹനം ഓടാത്തതിനാൽ വായ്പ, ഇൻഷുറൻസ്, ടാക്സ് , എന്നിവ ഒടുക്കാൻ കഴിയാത്തതിനാൽ സർക്കാറുകളിൽ നിന്നും നടപടികൾക്ക് വിധേയരാകേണ്ടി വരുന്നതായും യോഗം കുറ്റപ്പെടുത്തി. ഐ.എൻ.ടി.യു.സി സംസ്ഥാന നിർവാഹക സമിതിയംഗം എ. ഡി. ജോൺ ഉദ്ഘാടനം ചെയ്തു. പി.കെ. ഇക്ബാൽ, ഷം സുദ്ദീൻ സുലൈമാൻ, ഫറൂഖ് ആനപ്പാറ, അജിത്ത് മണ്ണിൽ എന്നിവർ പ്രസംഗിച്ചു.