ഏഴംകുളത്ത് കഞ്ചാവ് വിൽപന വ്യാപകമാകുന്നു

അടൂർ: ഏഴംകുളം ഗ്രാമപഞ്ചായത്തിലെ തൊടുവക്കാട് വാർഡി​ൻെറ അതിർത്തി പ്രദേശങ്ങളിൽ കഞ്ചാവ് വിൽപന വ്യാപകമാകുന്നതായി പരാതി. തേപ്പുപാറയിൽ തോട്ടമുക്കിന് സമീപം മുമ്പ്​ പ്രവർത്തിച്ച് വന്ന പാറമടക്ക്​ സമീപവും പാറമട റോഡിലും ഓലിക്കൽ സ്​റ്റോറിന് സമീപവുമാണ് കഞ്ചാവ് വിൽപനക്കാർ കേന്ദ്രീകരിച്ചിട്ടുള്ളത്. വിജനമായ ഈ പ്രദേശങ്ങളിൽ കാറിലും ബൈക്കുകളിലും എത്തിയാണ് വിൽപന. സന്ദേശം കൈമാറുന്നതോടെ വിവിധ സ്ഥലങ്ങളിൽ നിന്നുള്ളവർ ഇവിടെവന്ന് വസ്തുക്കൾ വാങ്ങുകയാണ്. അടൂർ പൊലീസ് പരിധിയിൽപ്പെടുന്ന ഇവിടെ പട്രോളിങ് ഏർപ്പെടുത്തണമെന്നും കഞ്ചാവ് മാഫിയയെ അമർച്ച ചെയ്യണമെന്നും സി.പി.എം തേപ്പുപാറ ബ്രാഞ്ച് കമ്മിറ്റി ആവശ്യപ്പെട്ടു.