കാടി​െൻറ മക്കൾക്ക് കനിവുമായി എസ്.പി.സി ടീം

കാടി​ൻെറ മക്കൾക്ക് കനിവുമായി എസ്.പി.സി ടീം വടശ്ശേരിക്കര: ലോക്ഡൗണിൽ ദുരിതമനുഭവിക്കുന്ന മൂഴിയാർ വനമേഖലയിലെ കാടി​ൻെറ മക്കളുടെ ഊരുകളിലേക്ക് കനിവും കരുതലുമായി ചിറ്റാർ ഗവ. ഹയർ സെക്കൻഡറി സ്കൂളിലെ സ്​റ്റുഡൻറ്​ പൊലീസ് കാഡറ്റ്സ് ടീം മൂഴിയാറിൽ എത്തി കിറ്റുകൾ നൽകി. ആദിവാസി ഊരിലെ അന്തേവാസികൾക്ക് സുരക്ഷാമാർഗ നിർദേശങ്ങൾ നൽകിയതിനൊപ്പം ചിറ്റാർ വി. കെ. എൽ ഗ്രൂപ്പി​ൻെറ സഹായത്തോടെ സഹാഹരിച്ച ഔഷധങ്ങൾ, വസ്ത്രങ്ങൾ, ഭക്ഷ്യവസ്തുക്കൾ എന്നിവയടങ്ങിയ കിറ്റുകളും വിതരണംചെയ്തു. മൂഴിയാർ സായിപ്പുംകുഴി ആദിവാസി ഊരിൽ നർക്കോട്ടിക് സെൽ ഡിവൈ.എസ്.പി പ്രദീപ്കുമാർ വിതരണം ഉദ്ഘാടനം ചെയ്തു. എ.ഡി.എൻ. ഒ സുരേഷ്കുമാർ, ചിറ്റാർ സ്കൂൾ സി. പി. ഒ അബ്​ദുൽ സലാം, എസി. പി. ഒ ശശികല, പി.ടി.എ പ്രസിഡൻറ്​ കെ. ജി. അനിൽകുമാർ, എസ്. എം. സി ചെയർമാൻ രജി തോപ്പിൽ, അധ്യാപിക ശ്രീരേഖ ഹരീഷ്, പ്രോഗ്രാം കോഓഡി​േനറ്റർമാരായ രജിത്, സുരേഷ്, മൂഴിയാർ സ്കൂൾ അധ്യാപകൻ സുനിൽ കുമാർ എന്നിവർ നേതൃത്വം നൽകി. ചിത്രം:ചിറ്റാർ ഗവ: ഹയർ സെക്കൻഡറി സ്കൂളിലെ സ്​റ്റുഡൻറ്​ പൊലീസ് കാഡറ്റ്സ് ടീം തയാറാക്കിയ കിറ്റുകളുടെ വിതരണ ഉദ്​ഘാടനം മൂഴിയാർ സായിപ്പുംകുഴി ആദിവാസി ഊരിൽ നാർക്കോട്ടിക് സെൽ ഡിവൈ.എസ്.പി പ്രദീപ്കുമാർ നിർവഹിക്കുന്നു.