ആശാ വർക്കറില്ലാതെ പന്തളം നഗരസഭ ഏഴാം വാർഡ്​

പന്തളം: കോവിഡ് വ്യാപിക്കുമ്പോഴും പന്തളം നഗരസഭയുടെ ഏഴ-ാം വാർഡിൽ ആശാ വർക്കറെ നിയമിക്കുന്നില്ലെന്നു ആക്ഷേപം. മാസങ്ങൾക്ക്​ മുമ്പ് നഗരസഭ ചെയർപേഴ്സൻ ഉൾപ്പെടെ ജനപ്രതിനിധികൾ ആശാ വർക്കറെ നിയമിക്കണമെന്ന് ആവശ്യപ്പെട്ട്​ പന്തളം കുടുംബാരോഗ്യ കേന്ദ്രത്തിലെ മെഡിക്കൽ ഓഫിസറെവരെ ഉപരോധിച്ച്​ സമരം നടത്തിയതാണ്. കോവിഡ് വ്യാപനം വർധിക്കുമ്പോഴും ആരോഗ്യ വകുപ്പ് നടപടി സ്വീകരിക്കുന്നില്ലെന്നാണ് പരാതി. കോവിഡ് ബാധിതർക്കുള്ള മരുന്നും ഇതുമൂലം ലഭിക്കുന്നില്ല. ഇക്കാര്യത്തിൽ ആരോഗ്യ വകുപ്പും നഗരസഭ അധികൃതരും നടപടി സ്വീകരിക്കാത്ത പക്ഷം സമരം ആരംഭിക്കുമെന്ന് നഗരസഭ കൗൺസിലർ കെ.ആർ. രവി പറഞ്ഞു.