സമൂഹ അടുക്കളയിലേക്ക്​ ഭക്ഷ്യവിഭവങ്ങൾ നൽകി

മല്ലപ്പള്ളി: കുന്നന്താനം പഞ്ചായത്തിലെ സമൂഹ അടുക്കളക്ക്​ ആവശ്യമായ സാധനങ്ങൾ കെ. പി. പി. സി. സി ഗാന്ധി ദർശൻ സമിതി തിരുവല്ല നിയോജക മണ്ഡലം കമ്മിറ്റി നൽകി. 350 പേർക്ക് ഭക്ഷണത്തിനുള്ള ഉൽപന്നങ്ങളാണ് നൽകിയത്. ജില്ല വൈസ് പ്രസിഡൻറ്​ അഡ്വ: ബിബിത ബാബു, നിയോജക മണ്ഡലം പ്രസിഡൻറ്​ ബൈജി ചെല്ലേട്ട്, വൈസ് പ്രസിഡൻറ്​ ദീപുരാജ് കല്ലോലിക്കൽ, സെക്രട്ടറി സാനോ കടവു മണ്ണിൽ എന്നിവരുടെ നേതൃത്വത്തിൽ പഞ്ചായത്ത് പ്രസിഡൻറ്​ ശ്രീദേവി സതീഷ് ബാബുവിന്​ കൈമാറി. ഭക്ഷ്യധാന്യക്കിറ്റ് നൽകി സി.പി.ഐ മല്ലപ്പള്ളി: പഞ്ചായത്തിലെ വിവിധ പ്രദേശങ്ങളിൽ സാമ്പത്തികമായി പിന്നാക്കം നിൽക്കുന്നവർക്ക് സി.പി.ഐ ലോക്കൽ കമ്മിറ്റി സൗജന്യമായി ഭക്ഷ്യധാന്യക്കിറ്റ് വിതരണം ചെയ്തു. മണ്ഡലം സെക്രട്ടറി ബാബു പാലയ്ക്കൽ, ലോക്കൽ സെക്രട്ടറി നീരാഞ്ജനം ബാലചന്ദ്രൻ , സാബു കളർ മണ്ണിൽ, മധു പരിയാരം, അഭിലാഷ് കരിമ്പിൻ കുഴി, അനിൽ എന്നിവർ നേതൃത്വം നൽകി.