ആദിവാസികൾക്ക് പച്ചക്കറി കിറ്റുകൾ എത്തിച്ച് സഹകരണ ബാങ്ക്

വടശ്ശേരിക്കര: ലോക് ഡൗൺ കാലത്ത് ആദിവാസികൾക്ക് പച്ചക്കറി കിറ്റുകൾ എത്തിച്ച് വയ്യാറ്റുപുഴ സർവിസ് സഹകരണ ബാങ്ക്. പഞ്ചായത്തിലെ വിവിധ ആദിവാസി, പട്ടികജാതി കോളനികളിൽ ദുരിതമനുഭവിക്കുന്ന എല്ലാ കുടുംബങ്ങളിലും ബാങ്കി​ൻെറ നേതൃത്വത്തിൽ സൗജന്യ പച്ചക്കറി കിറ്റുകൾ നൽകി. കൊടുമുടി ആദിവാസി കോളനിയിൽ ബാങ്ക് പ്രസിഡൻറ്​ ബിജു പടനിലം ആദിവാസി ക്ഷേമ സമിതി സംസ്ഥാന കമ്മിറ്റിയംഗവും വാർഡ്​അംഗവുമായ പി. ആർ. തങ്കപ്പന്​ നൽകി ഉദ്ഘാടനം ചെയ്തു. ബാങ്ക് ഡയറക്ടർ ബോർഡ്​അംഗങ്ങളായ മോഹനൻ പൊന്നു പിള്ള, രജി തോപ്പിൽ, പി. കെ. റോയി, അസിസ്​റ്റൻറ് സെക്രട്ടറി സജി ശമുവേൽ, എം.പി. ചന്ദ്രൻ, ബാബുജി സമ്മാനി എന്നിവർ പങ്കെടുത്തു.