അടൂരിൽ ടെലിമെഡിസിൻ സംവിധാനം ഏർപ്പെടുത്തും -എം.എൽ.എ

അടൂർ: കോവിഡ് വ്യാപനത്തി​ൻെറ പശ്ചാത്തലത്തിൽ അടൂർ മണ്ഡലത്തിലെ എല്ലാ പ്രാഥമിക, കുടുംബ, സാമൂഹിക ആരോഗ്യകേന്ദ്രങ്ങളിലും കോവിഡിതര രോഗികൾക്ക് ഡോക്ടർമാരുമായി വിഡിയോ കോളിലൂടെ സംസാരിച്ച് രോഗചികിത്സ തേടുന്നതിനുള്ള ടെലിമെഡിസിൻ കൺസൽട്ടേഷൻ സംവിധാനം ഏർപ്പെടുത്തുമെന്ന് ചിറ്റയം ഗോപകുമാർ എം.എൽ.എ അറിയിച്ചു. കടമ്പനാട് പഞ്ചായത്ത്​ മുടിപ്പുര വാർഡിലെ കുടുംബശ്രീ, അയൽക്കൂട്ടം, തൊഴിലുറപ്പ് തൊഴിലാളികൾ, സർക്കാർ ജീവനക്കാർ, ജനമൈത്രി പൊലീസ്, വിവിധ രാഷ്​ട്രീയ പാർട്ടി പ്രതിനിധികൾ അടങ്ങുന്നവരുടെ കോവിഡ് അവലോകന യോഗത്തിലാണ് ഇക്കാര്യം അറിയിച്ചത്. നിയോജകമണ്ഡലത്തിലെ സി.എഫ്.എൽ.ടി.സികൾ, ഡി.സി.സികൾ ഇവയുടെ പ്രവർത്തനം തദ്ദേശ സ്ഥാപനങ്ങളുടെ മേൽനോട്ടത്തിൽ മികച്ചനിലയിൽ നടത്തും. കടമ്പനാട് പ്രാഥമിക ആരോഗ്യകേന്ദ്രത്തിലെ മെഡിക്കൽ ഓഫിസർ ഡോ. ട്രീസ ലീൻ, വാർഡ് അംഗം പ്രസന്നകുമാരി, പൊതു പ്രവർത്തകരായ അവിനാഷ് പള്ളീനഴികത്ത്, ശ്രീലേഷ്പിള്ള, മഞ്ജു, രവീന്ദ്രൻനായർ റിട്ട. കാപ്റ്റൻ സന്തോഷ് വെള്ളയിൽ, അജോ എന്നിവർ പ​​െങ്കടുത്തു.