മരിച്ച നിലയിൽ കണ്ടെത്തിയ ആൾക്ക് കോവിഡ്

തിരുവല്ല: തിരുവല്ല നെടുമ്പ്രത്ത് വീട്ടുമുറ്റത്ത് മരിച്ച നിലയിൽ കണ്ടെത്തിയ ഗൃഹനാഥന് കോവിഡ് സ്ഥിരീകരിച്ചു. നെടുമ്പ്രം കോച്ചാരി മുക്കം സ്വദേശിയായ 68 കാരനെയാണ് ചൊവ്വാഴ്​ച രാവിലെ ആറു മണിയോടെ വീട്ടുമുറ്റത്ത് മരിച്ച നിലയിൽ കണ്ടെത്തിയത്. മരണശേഷം നടത്തിയ സ്രവ പരിശോധനയിലാണ് ഇയാൾക്ക് കോവിഡ് സ്ഥിരീകരിച്ചത്. ഇയാളുടെ പ്രാഥമിക സമ്പർക്കപ്പട്ടികയിൽ ഉൾപ്പെട്ട നാല് പേരെ നിരീക്ഷണത്തിലാക്കിയതായി ഹെൽത്ത് ഇൻസ്പെക്ടർ പറഞ്ഞു.