ബസുകൾ മാറ്റിയതിൽ പ്രതിഷേധിച്ചു

മല്ലപ്പള്ളി: കെ.എസ്.ആർ.ടി.സി മല്ലപ്പള്ളി സബ് ഡിപ്പോ നിർത്തലാക്കുക എന്ന ലക്ഷ്യത്തോടെ ഡിപ്പോയിലെ 14 ബസുകൾ റീജനൽ ഓഫിസിലേക്കുമാറ്റിയ അധികൃതരുടെ നടപടിയിൽ കോൺഗ്രസ് ബ്ലോക്ക് കമ്മിറ്റി പ്രതിഷേധിച്ചു. ബസുകൾ ഡിപ്പോയിൽനിന്ന്​ മാറ്റിയതോടെ കോട്ടയം - കോഴഞ്ചേരി ചെയിൻ സർവിസും ഗ്രാമീണ മേഖലയിൽകൂടിയുള്ള സർവിസുകളും നിലക്കുകയും യാത്രാക്ലേശം രൂക്ഷമാകുമെന്നും യോഗം കുറ്റപ്പെടുത്തി. പ്രസിഡൻറ് പി.ടി. എബ്രഹാം അധ്യക്ഷതവഹിച്ചു. എബി മേക്കരിങ്ങാട്ട്, ഗിരീഷ് കുമാർ, സുബാഷ് കുമാർ, എ.ഡി. ജോൺ , കെ.ജി സാബു , കോശി പി.സഖറിയ, സിന്ധു സുബാഷ്, റെജി പന്നിക്കമുറി, സാം പട്ടേരിൽ എന്നിവർ സംസാരിച്ചു.