റാന്നി മണ്ഡലത്തിലെ റോഡുകൾക്ക് തുക അനുവദിച്ചു

റാന്നി: നിയോജക മണ്ഡലത്തിലെ വിവിധ റോഡുകൾക്ക് മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഫണ്ട് അനുവദിച്ചതായി രാജു എബ്രഹാം എം.എൽ.എ അറിയിച്ചു. റോഡുകളുടെ പേരും അവക്ക്​ അനുവദിച്ച തുക ലക്ഷത്തിൽ ബ്രാക്കറ്റിൽ ചുവടെ. തൊണ്ടിക്കയം - മണിയാർ റോഡിലെ തൊണ്ടിക്കയം പാലം (90), കൊറ്റനാട് പഞ്ചായത്തിലെ മുക്കുഴി എസ്.സി.വി.എച്ച്.എസ്.എസ്-കാവുംപടി ചരിവുകാലാ റോഡ് (10) , പെരുനാട് പഞ്ചായത്തിലെ ഇടപ്ര - വേലൻ കോവിൽ - കണ്ണന്നുമൺ റോഡ് (15) എന്നിങ്ങനെയാണ് ഫണ്ട് അനുവദിച്ചിരിക്കുന്നത്.