തിരുവല്ല നഗരസഭ സ്​റ്റേഡിയം നവീകരണത്തിന് കർമപദ്ധതി

തിരുവല്ല: നാശത്തി​ൻെറ പാതയിൽ എത്തിനിൽക്കുന്ന തിരുവല്ല നഗരസഭയുടെ സ്​റ്റേഡിയം നവീകരണത്തിന് കർമപദ്ധതി തയാറാക്കി. തകർച്ചയിലായ സ്​റ്റേഡിയം വികസനത്തെക്കുറിച്ച് കൂടിയാലോചിക്കാൻ നഗരസഭയുടെ നേതൃത്വത്തിൽ ചേർന്ന യോഗത്തിലാണ് പ്രതീക്ഷയേകുന്ന ചർച്ചകൾ നടന്നത്. ചുറ്റുപാടും റോഡുകൾ ഉയർന്നതോടെ താഴ്ചയിലായ സ്​റ്റേഡിയത്തിലെ വെള്ളക്കെട്ട് ഒഴിവാക്കാനുള്ള നടപടി ആരംഭിക്കും. സമീപത്തുകൂടി ഒഴുകുന്ന മുല്ലേലി തോടിന് ആഴംകൂട്ടി വെള്ളം ഒഴുക്കിവിടും. സ്​റ്റേഡിയത്തിലെ വടക്കുകിഴക്ക് ഭാഗത്തെ താഴ്ന്ന സ്ഥലങ്ങൾ സമനിരപ്പാക്കും. മലിനജലം പുറന്തള്ളാൻ ​െഡ്രയിനേജ് സംവിധാനം കാര്യക്ഷമമാക്കും. പൊട്ടിപ്പൊളിഞ്ഞ ഗാലറി അറ്റകുറ്റപ്പണി നടത്തും. 365 ദിവസവും പബ്ലിക് സ്​റ്റേഡിയം കായികതാരങ്ങൾക്ക് ഉപയോഗിക്കാൻ തക്കവണ്ണം സജ്ജമാക്കാൻ കർമനിരതരായ ടാസ്ക് ഫോഴ്‌സിനെ നിയോഗിക്കും. ഈ ടാസ്ക് ഫോഴ്‌സി​ൻെറ നേതൃത്വത്തിൽ സ്​റ്റേഡിയത്തി​ൻെറ വികസനം സാധ്യമാക്കും. സാങ്കേതികവിദഗ്ധരെ കൊണ്ടുവന്ന് സ്​റ്റേഡിയം വികസിപ്പിക്കാനുള്ള വിപുല പദ്ധതി തയാറാക്കും. ഇതുപ്രകാരം കേന്ദ്ര-സംസ്ഥാന സർക്കാറുകളുടെ ഫണ്ടുകൾ ലഭ്യമാക്കാൻ എം.പി, എം.എൽ.എ മുഖേന ശ്രമം നടത്തും. രണ്ടുഘട്ടമായി സ്​റ്റേഡിയം വികസനം യാഥാർഥ്യമാക്കും. രണ്ടാംഘട്ടത്തിൽ ടെന്നിസ്, ഹാൻഡ് ബാൾ, വോളിബാൾ തുടങ്ങിയ കായിക ഇനങ്ങൾക്ക്​ ഇൻഡോർ കോർട്ടും സജ്ജമാക്കാൻ നടപടി സ്വീകരിക്കും. മാത്യു ടി. തോമസി​ൻെറ ക്വാറൻറീൻ കാലാവധി കഴിഞ്ഞാലുടൻ വീണ്ടും യോഗം ചേർന്ന് അന്തിമ തീരുമാനങ്ങളെടുക്കും. യോഗം ആ​േൻറാ ആൻറണി എം.പി ഉദ്ഘാടനം ചെയ്തു. നഗരസഭ അധ്യക്ഷ ബിന്ദു ജയകുമാർ അധ്യക്ഷത വഹിച്ചു. വാർഡ് കൗൺസിലർ ജിജി വട്ടശ്ശേരി, മറ്റ് കൗൺസിലർമാരായ റെജിനോൾഡ് വർഗീസ്, അനു ജോർജ്, ക്രിക്കറ്റ്, ഫുട്‌ബാൾ അസോസിയേഷൻ ഭാരവാഹികൾ എന്നിവർ സംസാരിച്ചു. ചിത്രം: PTL Stadium Yogam സ്​റ്റേഡിയം വികസനത്തെക്കുറിച്ച് കൂടിയാലോചിക്കാൻ നഗരസഭയുടെ നേതൃത്വത്തിൽ ചേർന്ന യോഗം