സീതത്തോട് പഞ്ചായത്തിൽ മെഡിക്കൽ പ്രഫഷനൽ കോളജ് ആരംഭിക്കും -എം.എൽ.എ

കോന്നി: സീതത്തോട് പഞ്ചായത്തിൽ മെഡിക്കൽ പ്രഫഷനൽ കോളജ് ആരംഭിക്കാൻ മഹാത്മഗാന്ധി സർവകലാശാലയുടെ പരിധിയിലുള്ള സൻെറർ ഫോർ പ്രഫഷനൽ ആൻഡ്​ അഡ്വാൻസ്ഡ് സ്​റ്റഡീസ് (സീപാസ്) തീരുമാനിച്ചതായി അഡ്വ. കെ.യു. ജനീഷ് കുമാർ എം.എൽ.എ അറിയിച്ചു. കോളജ് ആരംഭിക്കുന്നതിന്​ മുന്നോടിയായി ഓഫിസ് ഉടൻ പ്രവർത്തനം ആരംഭിക്കും. താൽക്കാലിക സൗകര്യം ഒരുക്കി നൽകുന്നതുൾ​െപ്പടെ കാര്യങ്ങൾ ചർച്ചചെയ്ത് തീരുമാനം എടുക്കുന്നതിനായി ബുധനാഴ്​ച രാവിലെ സീതത്തോട്ടിൽ യോഗം ചേരുമെന്നും എം.എൽ.എ പറഞ്ഞു. കോളജ് അനുവദിക്കുന്നതുമായി ബന്ധപ്പെട്ട് രണ്ടു​മാസം മുമ്പ്​ എം.എൽ.എയും ഉന്നതതല സംഘവും സീതത്തോട്ടിൽ എത്തി സ്ഥലപരിശോധന നടത്തിയിരുന്നു. മലയോര കുടിയേറ്റ മേഖലയായ സീതത്തോട്ടിൽ ഉന്നത വിദ്യാഭ്യാസ സ്ഥാപനങ്ങൾ ഒന്നുംതന്നെയില്ല. ഈ സാഹചര്യത്തിലാണ് എം.എൽ.എ മുഖ്യമന്ത്രിയുമായും ഉന്നത വിദ്യാഭ്യാസ മന്ത്രിയുമായും ആരോഗ്യമന്ത്രിയുമായും ചർച്ച നടത്തി സീതത്തോട്ടിൽ ആരോഗ്യമേഖലക്ക്​ പ്രാമുഖ്യം നൽകി ഒരു കോളജ് അനുവദിക്കണമെന്ന് ആവശ്യപ്പെട്ടത്. ഇതേ തുടർന്നാണ് സീപാസ് സ്കൂൾ ഓഫ് മെഡിക്കൽ എജുക്കേഷ​ൻെറ നേതൃത്വത്തിൽ മെഡിക്കൽ പ്രഫഷനൽ കോളജ് അനുവദിക്കാൻ തീരുമാനമായത്. ബി.എസ്​സി കോഴ്സുകളായ നഴ്സിങ്​, എം.എൽ.ടി, മൈക്രോബയോളജി എന്നിവയും റേഡിയോളജി, ഫിസിയോതെറപ്പി എന്നിവയുമാണ് ഇവിടെ ആരംഭിക്കുന്ന കോഴ്സുകൾ. അഞ്ചേക്കർ സ്ഥലമാണ് കോളജ് നിർമിക്കുന്നതിന്​ ആവശ്യമുള്ളത്. കക്കാട് പവർഹൗസിന്​ സമീപമുള്ള സ്ഥലമാണ് ഇതിനായി കണ്ടെത്തിയിട്ടുള്ളത്. ഇലക്ട്രിസിറ്റി ബോർഡി​ൻെറ ഉടമസ്ഥതയിലുള്ള ഇവിടുത്തെ സ്ഥലം കോളജിന് പര്യാപ്തമാണെന് സീപാസ് സംഘം വ്യക്തമാക്കിയിരുന്നു. അഡ്മിഷൻ പൂർണമായും മെറിറ്റ് അടിസ്ഥാനത്തിലായിരിക്കും. എം.ജി യൂനിവേഴ്സിറ്റി നിശ്ചയിക്കുന്ന ഫീസായിരിക്കും കുട്ടികളിൽനിന്ന് ഈടാക്കുക. കോളജ് പ്രവർത്തനം ആരംഭിച്ചശേഷം രണ്ടാം ഘട്ടമായി ഫാർമസി കോളജും ഇവിടെത്തന്നെ പ്രവർത്തനം ആരംഭിക്കും.