ഭാരവാഹനങ്ങളുടെ മരണപ്പാച്ചിൽ; ഇരുചക്രവാഹന അപകടങ്ങൾ പതിവാകുന്നു

റാന്നി: ഭാരവാഹനങ്ങളുടെ മരണപ്പാച്ചിൽ ഇരുചക്രവാഹങ്ങൾ അപകടത്തിൽ പെടുന്നത് റാന്നിയിൽ പതിവാകുന്നു. തിങ്കളാഴ്ച ഉച്ചകഴിഞ്ഞ് റാന്നി അങ്ങാടി മർത്തോമ ആശുപത്രി പടിയിലുണ്ടായ അപകടത്തിൽ ഇരുചക്രവാഹനത്തിൽ യാത്രചെയ്ത പഴവങ്ങാടി കൊടൈക്കനാൽ സോമി കുര്യാക്കോസ്​ മകൾ മീനു എന്നിവർക്ക്​ പരിക്കേറ്റതാണ് അവസാന സംഭവം. ഇവരെ തിരുവല്ല പുഷ്പഗിരി ആശുപത്രിയിയിൽ പ്രവേശിപ്പിച്ചു. ഏതാനും മാസങ്ങൾക്ക് മുമ്പാണ് റാന്നി പൊലീസ് സ്​റ്റേഷൻ പടിയിൽ ടോറസ് ലോറിക്കടിയിൽപ്പെട്ട് കോഴഞ്ചേരി പഞ്ചായത്ത് കുടുംബശ്രീ സി.ഡി.എസ് അക്കൗണ്ടൻറ് മരണപ്പെട്ടത്. വിവിധ ക്രഷർ യൂനിറ്റിലേക്കും അവിടെനിന്ന്​ പാറ ഖനന ഉൽപന്നങ്ങളുമായും വാഹനങ്ങൾ ദിനംപ്രതി നൂറിൽ കൂടുതൽ ട്രിപ്പുകളാണ് ഓടുന്നത്. റാന്നി ടൗണിൽ പ്രധാന റോഡുകളെല്ലാം നന്നേ വീതി കുറവുള്ളതിനാൽ ടോറസ്​, ടിപ്പർ, പോലുള്ള വാഹനങ്ങൾ വന്നുകഴിഞ്ഞാൽ എതിരെ ചെറിയ വാഹനങ്ങൾ കടന്നുപോകാൻ ബുദ്ധിമുട്ടാണ്​. ഇരുചക്രവാഹനത്തിൽ വരുന്നവരെ വലിയ വാഹനങ്ങൾ കാണാത്ത മട്ടിൽ പോകുന്നതിനാൽ ടാറിങ്ങി​ൻെറ കട്ടിങ്ങിൽ ചാടി മറിഞ്ഞാണ്​ പല അപകടങ്ങളും. ptl__Ranny bike accident തിങ്കളാഴ്ച റാന്നി മാർത്തോമ പടിയിൽ ബൈക്ക് യാത്രക്കാരി അപകടത്തിൽപെട്ട സ്ഥലം പൊലീസ് പരിശോധിക്കുന്നു