തെരുവുനായ്​ക്കൾ ആടുകളെ ആക്രമിച്ചു

കൊടുമൺ: ആടുകളെ തെരുവുനായ്ക്കൾ പരിക്കേൽപിച്ചു. ഐക്കാട് പണിക്കശ്ശേരിൽ ശിവപ്രസാദ്, ഉഷ വല്യവീട്ടിൽ എന്നിവരുടെ രണ്ട്​​ ആടിനെയാണ് ആക്രമിച്ചത്. കഴിഞ്ഞ ദിവസം വൈകീട്ടായിരുന്നു സംഭവം. പറമ്പിൽ കെട്ടിയിരുന്ന ആടുകളെ നായ്ക്കൾ കൂട്ടമായെത്തി ആക്രമിക്കുകയായിരുന്നു. കരച്ചിൽ കേട്ട്​ സമീപവാസികളെത്തി നായ്ക്കളെ ഓടിക്കുകയായിരുന്നു. കടിയേറ്റ ആടുകളെ മൃഗാശുപത്രിയിൽ എത്തിച്ച് കുത്തിവെപ്പെടുത്തു. ഐക്കാട് ഭാഗത്ത് തെരുവുനായ് ശല്യം രൂക്ഷമാണെന്ന് നാട്ടുകാർ പറഞ്ഞു.