യു.ഡി.എഫ്​ വാഹന ജാഥ ഇന്ന്​

പന്തളം: നഗരസഭ ഭരണപ്രതിസന്ധിക്കും സംസ്ഥാന സർക്കാറിന്‍റെയും എം.എൽ.എയുടെയും വാഗ്ദാന ലംഘനത്തിനുമെതിരെ യു.ഡി.എഫ്​ നേതൃത്വത്തിൽ ശനിയാഴ്ച വാഹന പ്രചാരണ ജാഥ നടത്തും. നഗരസഭയിൽ എൽ.ഡി.എഫും ബി.ജെ.പിയും പന്തളത്തെ സമസ്ത മേഖലയെയും പിന്നോട്ടടിച്ചു. ബി.ജെ.പിയിലെ തമ്മിലടി മൂലം പന്തളത്ത് വികസന മുരടിപ്പു തുടരുകയാണെന്ന്​ യു.ഡി.എഫ് നേതാക്കൾ പറഞ്ഞു. ജാഥ രാവിലെ ചേരിയക്കൽനിന്ന്​ ആരംഭിച്ച്​ വൈകീട്ട്​ പന്തളം ടൗണിൽ സമാപിക്കുമെന്ന്​ യു.ഡി.എഫ് നഗരസഭ ചെയർമാൻ എ. നൗഷാദ് റാവുത്തർ, ബ്ലോക്ക് പ്രസിഡന്‍റ്​ ജി. രലുനാഥ്, അഡ്വ. കെ.എസ്. ശിവകുമാർ, കെ.ആർ. രവി, ഷാജഹാൻ, അഡ്വ. ഡി.എൻ. തൃദീപ്, പന്തളം മഹേഷ്, കെ.ആർ. വിജയകുമാർ, വേണുകുമാരൻ നായർ, പന്തളം വാഹിദ്, മനോജ് കുരമ്പാല, മഞ്ജു വിശ്വനാഥ്, ജി. അനിൽകുമാർ, മാത്യു ശാമുവൽ, ജോൺ തുണ്ടിൽ എന്നിവർ പറഞ്ഞു.