പമ്പ് സെറ്റ്​ മോഷണം: യുവാവ്​ അറസ്റ്റിൽ

തിരുവല്ല: അപ്പർ കുട്ടനാടൻ പാടശേഖരങ്ങളിലെ മോട്ടോർ തറകളിൽനിന്നും പമ്പ് സെറ്റും അനുബന്ധ ഉപകരണങ്ങളും മോഷ്ടിച്ചിരുന്ന യുവാവിനെ പുളിക്കീഴ് പൊലീസ് അറസ്റ്റ് ചെയ്തു. കടപ്ര മൂന്നാം കുരിശ് മണപ്പുറം വീട്ടിൽ സൂരജാണ്​ (34) പിടിയിലായത്. ചേന്നങ്കരി പാടശേഖര സെക്രട്ടറി നൽകിയ പരാതിയിലാണ് ഇയാൾ പിടിയിലായത്. ഇത്തരത്തിൽ മുമ്പും നിരവധി മോഷണങ്ങൾ നടത്തിയിരുന്നതായി സൂരജ് പൊലീസിനോട് സമ്മതിച്ചു. മോഷണമുതലുകൾ ആക്രിക്കടകളിൽ വിൽക്കുന്നതാണ് ഇയാളുടെ രീതി. കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.