ശ്രീകൃഷ്ണ ജയന്തി ആഘോഷിച്ചു

കോഴഞ്ചേരി: കിടങ്ങന്നൂര്‍, ആറന്മുള, കച്ചേരിപടി, പുന്നംതോട്ടം, കാഞ്ഞിരവേലി, കുറുന്താര്‍, പുന്നയ്ക്കാട് തുടങ്ങിയ സ്ഥലങ്ങളില്‍നിന്ന്​ ആരംഭിച്ച ശോഭായാത്രകള്‍ തറയില്‍മുക്ക് ജങ്​ഷനില്‍ സംഗമിച്ച് മഹാശോഭായാത്രയായി ആറന്മുള ക്ഷേത്ര സന്നിധിയിലെത്തി വിവിധ പരിപാടികളോടെ സമാപിച്ചു. നാരങ്ങാനത്തിന്റെ വിവിധ സ്ഥലങ്ങളില്‍നിന്ന്​ എത്തിയ ശോഭായാത്രകള്‍ നള്ളേത്ത് പടിയില്‍ സംഗമിച്ച് നാരങ്ങാനം കണമുക്ക് ധര്‍മശാസ്ത ക്ഷേത്രസന്നിധിയില്‍ സമാപിച്ചു. കോഴഞ്ചേരി ബാലഗോകുലത്തിന്റെ നേതൃത്വത്തില്‍ ടൗണില്‍നിന്ന്​ ആരംഭിച്ച ഘോഷയാത്ര നഗരം ചുറ്റി കോഴഞ്ചേരി ശ്രീകൃഷ്ണസ്വാമി ക്ഷേത്രത്തില്‍ സമാപിച്ചു. ഇലന്തൂരില്‍ വിവിധ സ്ഥലങ്ങളില്‍നിന്ന്​ ആരംഭിച്ച ഘോഷയാത്ര മാര്‍ക്കറ്റ് ജങ്​ഷനില്‍ സംഗമിച്ച് മഹാശോഭായാത്രയായി. ഇലന്തൂര്‍ ഭഗവതികുന്ന് ദേവീക്ഷേത്രസന്നിധിയില്‍ സമാപിച്ചു. മാലക്കര മഹാവിഷ്ണു ക്ഷേത്രം, മഠത്തുംപടി, പുല്ലാട് കുറുങ്ങഴക്കാവ് തുടങ്ങിയ സ്ഥലങ്ങളിലും ശ്രീകൃഷ്ണജയന്തി ആഘോഷം വിപുലമായ പരിപാടികളോടെ നടന്നു. --------------------------------- സ്വാതന്ത്ര്യ ദിനാഘോഷം കുമ്പനാട്: നെല്ലിമല കൊച്ചാലുമൂട് സൗഹൃദ കൂട്ടായ്മയുടെ നേതൃത്വത്തിൽ സ്വാതന്ത്ര്യ ദിനാഘോഷം നടത്തി. കോയിപ്രം ഗ്രാമപഞ്ചായത്ത് ആരോഗ്യ സ്ഥിരം സമിതി ചെയർപേഴ്​സൻ പി.എം. റോസ ഉദ്ഘാടനം ചെയ്തു. സുബിൻ നീറുംപ്ലാക്കൽ അധ്യക്ഷ വഹിച്ചു. ഓതറ ഷാരോൺ സഭ പാസ്റ്റർ ജോജി ജോർജ് മുഖ്യപ്രഭാഷണം നടത്തി. ഫിലിപ്പ് ചാക്കോ, ഫിലിപ്പ്​ എൻ. തോമസ്, സജി തോമസ്, ലിജി നെല്ലിമല, സുനിൽ ആനപ്പാറയ്ക്കൽ, രാജു വെട്ടിത്തറ, ജോൺ വർഗീസ്, ജോമോൻ കീക്കാട്ടിൽ, സോണിയമോൾ തോമസ് എന്നിവർ സംസാരിച്ചു.