ഓമല്ലൂർ ആര്യഭാരതി സ്കൂളിൽ പൂർവ വിദ്യാർഥി സമ്മേളനം

പത്തനംതിട്ട: ഓമല്ലൂർ ആര്യഭാരതി സ്കൂളിന്‍റെ നവതി ആഘോഷങ്ങൾക്ക് മുന്നോടിയായി 1932 മുതൽ ഇതുവരെ പഠിച്ചിറങ്ങിയ വിദ്യാർഥികളുടെ പൂർവ വിദ്യാർഥി സമ്മേളനം 13ന്​ ഉച്ചക്ക്​ 1. 30ന്​ നടക്കും. ദർശന ഓഡിറ്റോറിയത്തിൽ നടക്കുന്ന സമ്മേളനം ജില്ല പഞ്ചായത്ത് പ്രസിഡന്‍റ്​ അഡ്വ. ഓമല്ലൂർ ശങ്കരൻ ഉദ്​ഘാടനം ചെയ്യും. ഡോക്ടർ അലക്സാണ്ടർ ജേക്കബ് ഐ.പി.എസ് മുഖ്യപ്രഭാഷണം നടത്തും. ഡോ. സാമുവൽ മാർ ഐറേനിയോസ് മെത്രാപ്പോലീത്ത അധ്യക്ഷത വഹിക്കും. പൂർവ വിദ്യാർഥിയും നാടൻപാട്ടുകാരനുമായ അഡ്വ. സുരേഷ് സോമയുടെ ബോഡുബറോ സംഗീതപരിപാടിയും നടക്കും. വാർത്തസമ്മേളനത്തിൽ പൂർവ വിദ്യാർഥി അസോസിയേഷൻ പ്രസിഡന്‍റ്​ പ്രധാനാധ്യാപകൻ ലിജു ജോർജ്, പൂർവ വിദ്യാർഥി സമിതി സെക്രട്ടറി രവീന്ദ്ര വർമ അംബാനിലയം, പ്രോഗ്രാം കമ്മിറ്റി കൺവീനർ ഫാ. ഡാനിയേൽ ബഥേൽ എന്നിവർ പങ്കെടുത്തു.