തിരുവല്ലയിൽ സ്​​റ്റോക്ക്​​ തീർന്നു

തിരുവല്ല: തിരുവല്ല ഡിപ്പോയിൽ ഡീസൽ സ്​​റ്റോക്ക്​​ തീർന്നു. 12,000 ലിറ്ററിന്‍റെ രണ്ട് ടാങ്കുകളാണ് ഡിപ്പോയിലെ പമ്പിലുള്ളത്. ഞായറാഴ്ച 2000 ലിറ്റർ ഡീസൽ ലഭിച്ചതായി ഡിപ്പോ അധികൃതർ പറഞ്ഞു. കെ സ്വിഫ്റ്റ് അടക്കം 47 സർവിസുകളാണ് ഡിപ്പോയിൽനിന്ന്​ പ്രതിദിനം നടത്തുന്നത്. ഞായറാഴ്ച ലഭിച്ച ഡീസൽ വൈകീട്ടോടെ തീർന്നിട്ടുണ്ട്. തിങ്കൾ പുലർച്ചക്ക്​ മുമ്പ്​ ഡീസൽ ലഭ്യമായില്ലെങ്കിൽ സ്വകാര്യ പമ്പുകളെ ആശ്രയിക്കേണ്ട അവസ്ഥയാണുള്ളതെന്ന് ഡിപ്പോ അധികൃതർ പറഞ്ഞു.