മരം വീണ് വീട് തകർന്നു

തിരുവല്ല: കാറ്റിൽ തിരുവല്ലയിലെ തുകലശ്ശേരിയിൽ . കുഴിമഠത്തിൽ വീട്ടിൽ അനിൽ കുമാറി‍ൻെറ വീടി‍ൻെറ മേൽക്കൂരയാണ് തകർന്നത്. തിങ്കളാഴ്ച ഉച്ചയോടെയായിരുന്നു സംഭവം. ശക്തമായ കാറ്റിനെ തുടർന്ന് സി.എസ്.ഐ പള്ളിയുടെ പുരയിടത്തിൽ നിന്ന തേക്കാണ് കടപുഴകിയത്. സംഭവമറിഞ്ഞ് നഗരസഭ അധികൃതർ സ്ഥലത്തെത്തി. വെൺപാലയിലെ നാൽപതോളം വീട്​ വെള്ളപ്പൊക്ക ഭീഷണിയിൽ തിരുവല്ല: മണിമലയാർ കരകവിഞ്ഞതിനെ തുടർന്ന് വെൺപാലയിലെ നാൽപതോളം വീട്​ വെള്ളപ്പൊക്ക ഭീഷണിയിൽ. വെൺപാല പുതുവൽ ഭാഗത്താണ് വെള്ളപ്പൊക്ക ഭീഷണി നിലനിൽക്കുന്നത്. നദി കരകവിഞ്ഞതോടെ സമീപ പുരയിടങ്ങളിൽ തിങ്കളാഴ്ച ഉച്ചയോടെയാണ് വെള്ളം കയറിയത്. നൂറോളം വീടാണ് ഈ ഭാഗത്തുള്ളത്. ഇനിയും ഉയർന്നാൽ നാൽപതോളം വീടുകളിൽ വെള്ളം കയറുന്ന സ്ഥിതിയാണെന്ന്​ പുളിക്കീഴ് ബ്ലോക്ക് പഞ്ചായത്തംഗം വിശാഖ് വെൺപാല പറഞ്ഞു.