സെക്രട്ടേറിയറ്റ് കെട്ടിടം: സിവില്‍ ജോലി ടെന്‍ഡര്‍ ഉടന്‍

പത്തനംതിട്ട: ജില്ല ആസൂത്രണ സമിതിയുടെ സെക്രട്ടേറിയറ്റ് കെട്ടിടത്തിന്റെ സിവില്‍ നിര്‍മാണ പ്രവര്‍ത്തനങ്ങളുടെ ടെന്‍ഡര്‍ നടപടികള്‍ ഉടന്‍ ആരംഭിക്കാന്‍ ജില്ല പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരന്റെ അധ്യക്ഷതയില്‍ കലക്ടറേറ്റില്‍ ചേര്‍ന്ന യോഗത്തില്‍ തീരുമാനമായി. കെട്ടിടത്തിന്റെ വൈദ്യുതീകരണം, എയര്‍ കണ്ടീഷനിങ്​, ഫയര്‍, ലിഫ്റ്റ് തുടങ്ങിയ നിര്‍മാണപ്രവര്‍ത്തനങ്ങളാണ് ഇനി പൂര്‍ത്തീകരിക്കാനുള്ളത്. ടെന്‍ഡര്‍ നടപടികള്‍ ആരംഭിച്ച ശേഷം മറ്റ് നിര്‍മാണം സംബന്ധിച്ച് തീരുമാനമെടുക്കുമെന്ന് കലക്ടര്‍ ഡോ. ദിവ്യ എസ്. അയ്യര്‍ പറഞ്ഞു. ജില്ല പ്ലാനിങ്​ ഓഫിസര്‍ സാബു സി. മാത്യു, അസി. പ്ലാനിങ്​ ഓഫിസര്‍ ജി. ഉല്ലാസ്, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ യോഗത്തില്‍ പങ്കെടുത്തു. കര്‍ഷക സംഘം പന്തളം: കേരള കര്‍ഷകസംഘം കുരമ്പല വടക്ക് യൂനിറ്റ് സമ്മേളനം ഏരിയ കമ്മിറ്റി അംഗം ഐവാന്‍ ദാനിയേല്‍ ഉദ്ഘാടനം ചെയ്തു. ഹരി, ഗോപകുമാര്‍, രാജേഷ് എന്നിവര്‍ സംസാരിച്ചു. ഭാരവാഹികൾ: പ്രിന്‍സി നിക്‌സന്‍ (പ്രസി), പി. വാസുദേവര്‍ (വൈസ് പ്രസി), എച്ച്. ഷെറിഷ് (സെക്ര), എസ്. കുഞ്ഞുമോന്‍(ജോ.സെക്ര). ഫീസ് അടക്കേണ്ട അവസാന തീയതി നീട്ടി കോന്നി: കേരള സ്​റ്റേറ്റ് സിവില്‍ സര്‍വിസ് അക്കാദമി യുടെ കോന്നി ഉപകേന്ദ്രത്തില്‍ എല്ലാ ഞായറാഴ്ചയും നടത്തുന്ന ഹൈസ്‌കൂള്‍ വിദ്യാർഥികള്‍ക്കുള്ള ടാലന്‍റ്​ ഡെവലപ്‌മെന്‍റ്​ കോഴ്‌സിനും ഹയര്‍സെക്കന്‍ഡറി വിദ്യാർഥികള്‍ക്കുള്ള സിവില്‍ സര്‍വിസ് ഫൗണ്ടേഷന്‍ കോഴ്‌സിനും പ്രവേശനം നേടാന്‍ ആഗ്രഹിക്കുന്നവര്‍ ഓണ്‍ലൈനായി രജിസ്‌ട്രേഷന്‍ നടത്തി ഫീസ് അടക്കേണ്ട അവസാന തീയതി ജൂലൈ ഒമ്പതുവരെ നീട്ടി.