പുറമറ്റം പഞ്ചായത്ത് പ്രസിഡന്‍റിനെ ആക്രമിച്ചത് അപമാനകരം -എസ്​.ഡി.പി.ഐ

പത്തനംതിട്ട: പുറമറ്റം പഞ്ചായത്ത് പ്രസിഡന്‍റ്​ സൗമ്യ ജോബിയെ സി.പി.എം നേതൃത്വത്തിൽ ആക്രമിച്ചത് അങ്ങേയറ്റം അപമാനകരമാണെന്ന് എസ്.ഡി.പി.ഐ ജില്ല പ്രസിഡന്‍റ്​ എസ്. മുഹമ്മദ് അനീഷ് പറഞ്ഞു. സ്ത്രീയെന്ന പരിഗണനപോലും നൽകാതെ നേതൃനിരയിലുള്ള ജനപ്രതിനിധികൾ ആക്രമിച്ച് വസ്ത്രം വലിച്ചുകീറിയത് തികച്ചും ഖേദകരമാണ്. സമൂഹത്തിന് മാതൃകയാകേണ്ട നേതൃത്വങ്ങൾ അക്രമങ്ങൾക്ക് നേതൃത്വം നൽകുകയും പൊലീസ് നോക്കുകുത്തിയായി നിൽക്കുന്നതും ജനാധിപത്യത്തിന് എതിരെയുള്ള വെല്ലുവിളിയാണെന്ന് എസ്. മുഹമ്മദ് അനീഷ് പ്രസ്താവനയിൽ പറഞ്ഞു.