വിധവാ സംഗമവും പഠന ക്ലാസും

പത്തനംതിട്ട: അന്താരാഷ്ട്ര വിധവ ദിനത്തോടനുബന്ധിച്ച് പത്തനംതിട്ട നഗരസഭ സി.ഡി.എസ് ആൻഡ്​ ജെൻഡർ റിസോഴ്സ് സെന്ററിന്റെ നേതൃത്വത്തിൽ പതിനാറാം വാർഡിൽ വിധവ സംഗമവും പഠന ക്ലാസും നടത്തി. നഗരസഭ ആരോഗ്യകാര്യ സ്ഥിരംസമിതി അധ്യക്ഷൻ ജെറി അലക്സ്‌ ഉദ്ഘാടനം ചെയ്തു. സി.ഡി.എസ് അംഗം സന്ധ്യ പനക്കൽ അധ്യക്ഷത വഹിച്ചു. പത്തനംതിട്ട സോഷ്യൽ ജസ്റ്റിസ്‌ ഓഫിസിലെ ഓർഫനേജ് കൗൺസിലർ സതീഷ് തങ്കച്ചൻ ക്ലാസ് നയിച്ചു. കുടുംബശ്രീ സി.ഡി.എസ്. ചെയർപേഴ്സൻ പൊന്നമ്മ ശശി, കമ്യൂണിറ്റി കൗൺസിലർ രാജു. എം. നായർ, മുൻ കൗൺസിലർ. ബിജിമോൾ മാത്യു, ഉഷ ചന്ദ്രൻ,ബ്ലെസി രാജു, ശാന്തകുമാരി, രാജശ്രീ അനിൽ എന്നിവർ സംസാരിച്ചു.