കോന്നിയിൽ നിലവാരം മെച്ചപ്പെടുത്തി പൊതുവിദ്യാലയങ്ങൾ

കോന്നി: പ്ലസ് ടു പരീക്ഷഫലം പുറത്തുവന്നപ്പോൾ കോന്നിയിലെ പൊതുവിദ്യാലയങ്ങൾ നിലവാരം മെച്ചപ്പെടുത്തി. കോന്നി ഗവ. ഹയർ സെക്കൻഡറി സ്കൂളിൽ 87ശതമാനം വിജയം നിലനിർത്തി. 20 പേർ എല്ലാ വിഷയങ്ങളിലും എ പ്ലസ് കരസ്ഥമാക്കി. തേക്കുതോട് ഹയർ സെക്കൻഡറി സ്കൂളിൽ സയൻസിൽ 55 വിദ്യാർഥികളിൽ 43പേരും കോമേഴ്സിൽ 38 വിദ്യാർഥികളിൽ 20പേരും വിജയിച്ചു. അഞ്ച് വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. കൂടൽ ജി.എച്ച്.എസ്.എസിൽ കോമേഴ്സിൽ 54 വിദ്യാർഥികൾ പരീക്ഷ എഴുതിയതിൽ 39പേർ വിജയിച്ചു. കലഞ്ഞൂർ ഗവ. ഹയർ സെക്കൻഡറി സ്കൂൾ 80ശതമാനം വിജയംനേടി. സയൻസിൽ 110പേർ പരീക്ഷ എഴുതിയതിൽ 99 കുട്ടികൾ വിജയിച്ചു. കോമേഴ്‌സിൽ 106പേര് പരീക്ഷ എഴുതിയതിൽ 76 കുട്ടികൾ വിജയിച്ചു. ഹ്യുമാനിറ്റീസിൽ 56പേര് എഴുതിയതിൽ 40 പേര് വിജയിച്ചു. ഒമ്പത് വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. കൂടൽ ഗവ. എച്ച്.എസ്.എസ്ൽ 54 വിദ്യാർഥികൾ പരീക്ഷ എഴുതിയതിൽ 39 പേർ വിജയിച്ചു. കോന്നി ആർ.വി.എച്ച്.എസ്.എസ് സ്കൂൾ 92ശതമാനം വിജയം നേടി.