വായന വാരാചരണം

റാന്നി: വൈക്കം ഗവ. യു.പി സ്കൂളിൽ വായന മാസാചരണത്തിന്​ തുടക്കം. വിദ്യാലയം സമൂഹത്തിലേക്ക് പദ്ധതിയുടെ ഭാഗമായി റാന്നി വില്ലേജ് യൂനിയൻ ലൈബ്രറിയുടെ ആഭിമുഖ്യത്തിൽ വിപുലമായ പ്രവർത്തനങ്ങൾ സ്കൂളിൽ ആസൂത്രണംചെയ്തു. ജില്ല ലൈബ്രറി കൗൺസിൽ അംഗം പി.ആർ. പ്രസാദ് ഉദ്ഘാടനം ചെയ്തു. പി.ടി.എ പ്രസിഡന്‍റ്​ റെജി തോമസ് അധ്യക്ഷതവഹിച്ചു. വായന പ്രവർത്തനപരിപാടിയായ എഴുത്തുപെട്ടിയുടെ ഉദ്ഘാടനം വില്ലേജ് യൂനിയൻ ലൈബ്രറി വൈസ് പ്രസിഡൻറ് കെ. ബാലചന്ദ്രൻ നായർ നിർവഹിച്ചു. വാർഡ്​ മെംബർ മന്ദിരം രവീന്ദ്രൻ പി.എൻ. പണിക്കർ അനുസ്മരണ പ്രഭാഷണം നടത്തി. Ptl rni_2_ vaikom Photo: റാന്നി വൈക്കം ഗവ. യു.പി സ്കൂളിൽ വായന പ്രവർത്തനങ്ങളും വിദ്യാരംഗം കലാസാഹിത്യവേദി പ്രവർത്തനങ്ങളും ജില്ല ലൈബ്രറി കൗൺസിൽ അംഗം പി.ആർ. പ്രസാദ് ഉദ്ഘാടനം ചെയ്യുന്നു