വായന പക്ഷാചരണത്തിന് തുടക്കം

കോന്നി: വായന പക്ഷാചരണത്തിന്‍റെ ഭാഗമായി കോന്നി പബ്ലിക് ലൈബ്രറിയും സാക്ഷരത തുല്യത പഠനകേന്ദ്രവും സംയുക്തമായി പി.എൻ. പണിക്കർ അനുസ്മരണം നടത്തി. കോന്നി ഗവ. എൽ.പി സ്കൂളിൽ നടന്ന സമ്മേളനം ലൈബ്രറി കൗൺസിൽ കോന്നി താലൂക്ക് സെക്രട്ടറി അഡ്വ. പേരൂർ സുനിൽ ഉദ്ഘാടനം ചെയ്തു. ലൈബ്രറി പ്രസിസൻറ് സലിൽ വയലത്തല അധ്യക്ഷത വഹിച്ചു. ഹയർ സെക്കൻഡറി സെന്‍റർ കോഓഡിനേറ്റർ ശശികല എസ്. കുമാർ, എൻ.എസ്. മുരളി മോഹൻ, പഞ്ചായത്ത്​ അംഗം ഷീബ, എസ്.കൃഷ്ണകുമാർ, എൻ.അനിൽകുമാർ, എ.ഹേമലത, ടി.വി. വേണുഗോപാൽ, രമ്യ മുരളി, ജി.രാജൻ, കെ. രാജേന്ദ്രനാഥ്, എം.കെ. ഷിറാസ് എന്നിവർ സംസാരിച്ചു. വയലാർ പാരിജാതം ദേശീയ അവാർഡ് നേടിയ യുവ എഴുത്തുകാരി സന്ധ്യ സുനീഷിനെ അനുമോദിക്കുകയും അവാർഡ് ലഭിച്ച പുസ്തകം ഏറ്റുവാങ്ങുകയും ചെയ്തു.