കോൺഗ്രസ് ഓഫിസ് തകർത്ത സംഭവം: ഡി.വൈ.എഫ്.ഐ പ്രവർത്തകർ അറസ്റ്റിൽ

അടൂർ: തിങ്കളാഴ്ച അടൂരിലുണ്ടായ കോൺഗ്രസ്-ഡി.വൈ.എഫ്.ഐ സംഘർഷത്തെ തുടർന്ന് പൊലീസ് അഞ്ച് കേസ്​ രജിസ്റ്റർ ചെയ്തു. കോൺഗ്രസ് ബ്ലോക്ക് കമ്മിറ്റി ഓഫിസ് അടിച്ച് തകർത്ത സംഭവത്തിൽ അഞ്ച് ഡി.വൈ.എഫ്.ഐ പ്രവർത്തകരെ പൊലീസ് അറസ്റ്റ് ചെയ്തു. മുഹമ്മദ് അനസ്, വിനീഷ്, വിഷ്ണുഗോപാൽ, വിപിൻ ബാബു, റിയാസ് എന്നിവരെയാണ് അറസ്റ്റ് ചെയ്തത്​.