അബാൻ മേൽപാലം നിർമാണം വ്യാപാരികൾക്ക്​ കുരുക്കാകുന്നു

പത്തനംതിട്ട: അബാൻ മേൽപാലം നിർമാണത്തി‍ൻെറ ഭാഗമായി ബസ്​ സ്​റ്റാൻഡിന്​​ മുൻവശം ഗതാഗതം നിരോധിച്ചതിനെതിരെ വ്യാപാരികളു​ടെ പ്രതിഷേധം ശക്തമായി. വരും ദിവസങ്ങളിൽ നഗരത്തിൽ രൂക്ഷമായ ഗതാഗതക്കുരുക്കിനും സാധ്യത. മേൽപാലത്തി‍ൻെറ പൈലിങ്​​ പണി ബസ്​ സ്റ്റാൻഡിന് ​മുൻവശത്ത്​ എത്തിയതോടെ തെക്ക്​ ഭാഗത്തെ സ്​റ്റേജിനോട്​ ചേർന്ന പ്രവേശന കവാടം വരെ തിങ്കളാഴ്ച മുതൽ ഗതാഗതം നിരോധിച്ചിരിക്കുകയാണ്​. ഇതോടെ സ്റ്റാ​റാൻഡിലെ വ്യാപാരസ്ഥാപനങ്ങളുടെ പ്രവർത്തനം പ്രതിസന്ധിയിലായതായി വ്യാപാരികൾ പറഞ്ഞു.​ ബസുകൾ അബാൻ ജങ്​ഷൻ ഭാഗത്തുകൂടി എത്തി​ സ്​റ്റേജി‍ൻെറ സമീപത്തെ കവാടംവഴി കയറിയിറങ്ങാൻ അനുമതി നൽകിയിട്ടുണ്ട്​. മറ്റ്​ സ്വകാര്യ വാഹനങ്ങൾക്ക്​ കടന്നുവരുന്നതിനും കഴിയില്ല. വ്യാപാര സ്ഥാപനങ്ങളിൽ എത്തുന്നവർക്ക്​ ഇത്​ ബുദ്ധിമുട്ടാകും. മേൽപാലത്തി‍ൻെറ ​പൈലിങ്​ ​ജോലി നടക്കുമ്പോൾ റോഡി‍ൻെറ ഇരുഭാഗത്തുംകൂടി വാഹനങ്ങൾ കടന്നുപോകുന്നതിന്​ സൗകര്യം ഏർപ്പെടുത്തണമെന്നാണ്​ വ്യാപാരികൾ പറയുന്നത്.​ എന്നാൽ, ഇരുവ​ശത്തുമുള്ള റോഡി‍ൻെറ സ്ഥലമെടുപ്പ്​ പൂർത്തിയായിട്ടില്ല. ഇപ്പോഴത്തെ സാഹചര്യത്തിൽ വാഹനങ്ങൾ ഇതുവഴി കടത്തിവിടുന്നത്​ പ്രായോഗികമല്ലെന്നാണ്​ അധികൃതർ പറയുന്നത്. വാഹനങ്ങൾ കടന്നുപോകാൻ അനുവദിച്ചാൽ പണി തടസ്സപ്പെടുമെന്നാണ്​ പറയുന്നത്​. എന്നാൽ, പണികൾ പൂർത്തിയാകാൻ കുറഞ്ഞത്​ രണ്ടുവർഷമെങ്കിലുമെടുക്കും. മറ്റ്​ പണികളുടെ അനുഭവം നോക്കു​മ്പോൾ ഇത്​ നീണ്ടുപോകാനും സാധ്യതയുണ്ട്​. തൊട്ടുമുന്നിലെ പത്തനംതിട്ട കെ. എസ്.​ആർ.ടി.സി സമുച്ചയം നിർമാണം വർഷങ്ങളോളം നീണ്ടുപോയത്​ ഉദാഹരണമായി അവർ ചുണ്ടിക്കാണിക്കുന്നു. വ്യാപാര സ്ഥാപനങ്ങൾ അടച്ചിടുക എന്നത് ​വലിയ ബുദ്ധിമുട്ടുണ്ടാക്കും. കടമുറികൾ ലേലത്തിൽ എടുത്തവർ ഇപ്പോൾതന്നെ വലിയ കടക്കെണിയിലുമാണ്​. പലരും പലിശക്ക്​ പണം കടമെടുത്താണ്​ കച്ചവടം നടത്തുന്നത്. കോവിഡ്​ തുടങ്ങിയതിൽപിന്നെ മിക്കവർക്കും വലിയ സാമ്പത്തിക ബാധ്യതയുമുണ്ട്​. കൂടാതെ കുമ്പഴ, കോന്നി, മൈലപ്ര ഭാഗങ്ങളിൽനിന്ന്​ വരുന്ന വാഹനങ്ങൾ വഴിതിരിച്ചുവിടേണ്ടിവരും. അടൂർ, പന്തളം, കോഴഞ്ചേരി ഭാഗങ്ങളിൽനിന്ന്​ വരുന്ന ബസുകൾക്കും സ്റ്റാൻഡിൽ പ്രവേശിക്കാൻ കഴിയില്ല. കെ.എസ്.​ആർ.ടി.സി സ്​റ്റാൻഡ്​​ 16 മുതൽ പുതിയ കെട്ടിട സമുച്ചയത്തിൽനിന്ന്​ പൂർണമായും പ്രവർത്തനം ആരംഭിക്കുന്നതോടെ അവർക്ക്​ വലിയ പ്രശ്​നങ്ങൾ ഉണ്ടാകില്ല. പണി നടക്കുന്നഭാഗം ഒഴിവാക്കി നഗരത്തിലെ മറ്റ്​ വഴികളിലൂടെ കെ.എസ്.ആർ.ടി.സിയും വ​ഴിതിരിച്ചുവിടേണ്ടിവരും. ഇതെല്ലാം വരും ദിവസങ്ങളിൽ നഗരത്തിൽ രൂക്ഷമായ ഗതാഗതക്കുരുക്കിനും ഇടയാക്കും. പണി പൂർത്തിയാകുംവരെ പഴയ ബസ്​ സ്​റ്റാൻഡ്​ഉപയോഗിക്കണമെന്ന നിർ​ദേശവും ഇതിനിടെ ഉയർന്നിട്ടുണ്ട്. എന്നാൽ,​ ഇവിടേക്ക് ​മാറ്റുന്നതിനോട്​ വ്യാപാരികൾക്ക്​ യോജിപ്പില്ല. ഇ​തോടെ പുതിയ സ്​റ്റാൻഡിലേക്ക്​ ആരും എത്താതാകുമെന്നാണ്​ വ്യാപാരികൾ പറയുന്നത്​. നഗരസഭ ചെയർമാൻ ടി. സക്കീർഹുസൈൻ വ്യാപാരികളുമായി ചർച്ച നടത്തിയിരുന്നു. പടം.... mail...... അബാൻ മേൽപാല നിർമാണത്തി‍ൻെറ പണി നടക്കുന്നു