ശ്രീനാരായണ ജയന്തി വിപുലമായി ആഘോഷിക്കും

പത്തനംതിട്ട: ഈവർഷം ശ്രീനാരായണ ജയന്തി വിപുലമായി ആഘോഷിക്കാൻ എസ്.എൻ.ഡി.പി യോഗം പത്തനംതിട്ട യൂനിയനിലെ ശാഖാ സെക്രട്ടറിമാരുടെ സംയുക്ത യോഗം തീരുമാനിച്ചു. ജയന്തിയാഘോഷത്തിന് മുന്നോടിയായി തേക്കുതോട് സെൻട്രൽ, കോന്നി, വാഴമുട്ടം, മലയാലപ്പുഴ, പത്തനംതിട്ട യൂനിയൻ എന്നിവിടങ്ങളിൽ മേഖല സമ്മേളനങ്ങൾ നടക്കും. ആഘോഷത്തോട്​ അനുബന്ധിച്ച് നഗരത്തിൽ ഘോഷയാത്രയും ജയന്തി സമ്മേളനവും നടക്കും. ശാഖകളിലെ ഭവനരഹിതർക്ക് നിർമിച്ചുനൽകുന്ന വീടുകളുടെ താക്കോൽദാനവും വിദ്യാർഥികൾക്കുള്ള വിദ്യാഭ്യാസ അവാർഡുകളുടെ വിതരണവും നടക്കും. യൂനിയൻ പ്രസിഡന്‍റ്​ കെ. പത്മകുമാർ ഉദ്ഘാടനം ചെയ്തു. സെക്രട്ടറി ഡി. അനിൽകുമാർ, വൈസ് പ്രസിഡന്‍റ്​ സുനിൽ മംഗലത്ത്, യോഗം അസി. സെക്രട്ടറി ടി.പി. സുന്ദരേശൻ, സി.എൻ. വിക്രമൻ, എസ്. സജിനാഥ്, പി.കെ. പ്രസന്നകുമാർ, പി.വി. രണേഷ്, കെ.എസ്. സുരേശൻ, പി. സലിംകുമാർ, ജി. സോമനാഥൻ, മൈക്രോ ഫിനാൻസ് കോഓഡിനേറ്റർ കെ.ആർ. സലീലനാഥ്‌ എന്നിവർ പങ്കെടുത്തു.