സ്വയംതൊഴില്‍ സൗജന്യ പരിശീലനം

പത്തനംതിട്ട: എസ്.ബി.ഐയുടെ ഗ്രാമീണ സ്വയംതൊഴില്‍ പരിശീലനകേന്ദ്രത്തില്‍ താറാവ് വളര്‍ത്തല്‍, മുട്ടക്കോഴി, ഇറച്ചിക്കോഴി, കാട വളര്‍ത്തല്‍ സൗജന്യ പരിശീലന കോഴ്സിലേക്ക്​ പ്രവേശനം തുടങ്ങുന്നു. 18നും 44നും ഇടയില്‍ പ്രായമുള്ളവര്‍ക്ക് അപേക്ഷിക്കാം. പരിശീലന കാലാവധി 10 ദിവസം. ഫോൺ: 0468 2270244, 2270243. ---- കാവുകളുടെ സംരക്ഷണത്തിന്​ ധനസഹായം പത്തനംതിട്ട: കാവുകളുടെ സംരക്ഷണ പരിപാലന പ്രവര്‍ത്തനങ്ങള്‍ക്ക് സാമ്പത്തിക സഹായം ലഭിക്കുന്നതിനും സംസ്ഥാന വനം-വന്യജീവി വകുപ്പ് 2022-23 വര്‍ഷത്തേക്ക് അപേക്ഷ ക്ഷണിച്ചു. വ്യക്തികള്‍, ദേവസ്വം, ട്രസ്റ്റുകള്‍ എന്നിവയുടെ കാവുകള്‍ക്ക് ആനുകൂല്യം ലഭിക്കും. താൽപര്യമുള്ള കാവ് ഉടമസ്ഥര്‍ കാവിന്‍റെ വിസ്തൃതി, വില്ലേജ് ഓഫിസര്‍ നല്‍കുന്ന കൈവശാവകാശ സര്‍ട്ടിഫിക്കറ്റ്​, കരം അടച്ച രസീത്, ഉടമസ്ഥത സംബന്ധിക്കുന്ന മറ്റ്​ രേഖകള്‍, ഫോട്ടോഗ്രാഫ് എന്നിവ സഹിതം ജില്ലയിലെ എലിയറക്കൽ സോഷ്യല്‍ ഫോറസ്ട്രി വിഭാഗം അസിസ്റ്റന്‍റ്​ ഫോറസ്റ്റ് കണ്‍സര്‍വേറ്റര്‍ക്ക് ഈ മാസം 30നകം അപേക്ഷ സമര്‍പ്പിക്കണം. മുമ്പ്​ ധനസഹായം ലഭിച്ചവര്‍ അപേക്ഷിക്കേണ്ടതില്ല. നിശ്ചിത മാതൃകയിലുള്ള അപേക്ഷഫോറം ഓഫിസില്‍ ലഭ്യമാണെന്നും അസിസ്റ്റന്‍റ്​ ഫോറസ്റ്റ് കണ്‍സര്‍വേറ്റര്‍ അറിയിച്ചു. ഫോണ്‍: 8547603708, 8547603707, 0468 2243452, www.kerala.forest.gov.in വെബ്സൈറ്റിലും ലഭിക്കും. --- വനമിത്ര അവാര്‍ഡിന് അപേക്ഷിക്കാം പത്തനംതിട്ട: ജൈവവൈവിധ്യ സംരക്ഷണത്തിന്‍റെയും വനസംരക്ഷണ പ്രവര്‍ത്തനങ്ങള്‍ പ്രോത്സാഹിപ്പിക്കുന്നതിന്‍റെയും ഭാഗമായി പത്തനംതിട്ട ജില്ലയിലെ വ്യക്തികള്‍, വിദ്യാഭ്യാസ സ്ഥാപനങ്ങള്‍, സന്നദ്ധ സംഘടനകള്‍, കര്‍ഷകര്‍ എന്നിവരില്‍നിന്ന്​ വനമിത്ര പുരസ്‌കാരത്തിന് സംസ്ഥാന വനം-വന്യജീവി വകുപ്പ് അപേക്ഷ ക്ഷണിച്ചു. അപേക്ഷയോടൊപ്പം പ്രവര്‍ത്തനങ്ങളുടെ ലഘു വിവരണവും ഫോട്ടോയും പത്തനംതിട്ട ജില്ലയിലെ എലിയറക്കലിലെ സോഷ്യല്‍ ഫോറസ്​ട്രി വിഭാഗം അസിസ്റ്റന്‍റ്​ ഫോറസ്റ്റ് കണ്‍സര്‍വേറ്റര്‍ക്ക് ഈ മാസം 30നകം സമര്‍പ്പിക്കണം. ധനസഹായം ലഭിച്ചവര്‍ അടുത്ത അഞ്ചുവര്‍ഷത്തേക്ക് പുരസ്‌കാരത്തിന് അപേക്ഷിക്കാന്‍ പാടില്ല. ഫോണ്‍: 8547603708, 8547603707, 0468 2243452, www.kerala.forest.gov.in