ചാരിയിരുന്ന് സവാരി; കൗതുക സൈക്കിളുമായി വിദ്യാർഥി

അടൂർ: ചാരി തലയുയർത്തിയിരുന്ന് ചവിട്ടുന്ന സൈക്കിൾ പഴകുളം കെ.വി.യു.പി സ്കൂൾ വിദ്യാർഥികൾക്ക് കൗതുകമായി. ബുധനാഴ്ച പ്രവേശനോത്സവത്തോട്​ അനുബന്ധിച്ച് പൂർവ വിദ്യാർഥി മനുലാലാണ് വിദേശത്ത് പ്രചാരത്തിലുള്ള ഈ സൈക്കിൾ ചവിട്ടി സ്കൂളിൽ എത്തിയത്. സ്കൂൾ കവാടത്തിനുള്ളിൽ ഇരുവശവും ബലൂണുമായി വരിവരിയായിനിന്ന് കുട്ടികൾ മനുലാലിനെ സ്വീകരിച്ചു. പെഡൽ മുൻചക്രത്തിൽ ഘടിപ്പിച്ചിട്ടുള്ള സൈക്കിൾകണ്ട വിദ്യാർഥികളിൽ ചിലർക്ക് സൈക്കിളിൽ കയറാൻ മോഹമുദിച്ചു. ഇതോടെ മനുലാൽ ഇവരെ സൈക്കിളിൽ കയറ്റി. ഈ സൈക്കിളിൽ ശിലാമ്യൂസിയത്തി‍ൻെറ പൈതൃക വിത്തുകളുടെ പ്രചാരണവുമായി ഭാരതപര്യടനത്തിന് തയാറെടുക്കുന്ന വാർത്ത നേരത്തെ 'മാധ്യമം' പ്രസിദ്ധീകരിച്ചിരുന്നു. PTL ADR Cycle പ്രവേശനോത്സവത്തോടനുബന്ധിച്ച് പഴകുളം കെ.വി.യു.പി സ്കൂൾ വിദ്യാർഥികൾ ചാരിയിരുന്ന് ചവിട്ടുന്ന സൈക്കിളിൽ എത്തിയ മനുലാലിനെ സ്വീകരിച്ചപ്പോൾ