ലോറിയിടിച്ച് സിഗ്​നൽ ലൈറ്റ് തകർന്നു

തിരുവല്ല: നിയന്ത്രണം വിട്ട്​ എത്തിയ ലോറിയിടിച്ച് തിരുവല്ല ബൈപാസിൽ ബി വൺ - ബി ടു ജങ്​ഷനിലെ സിഗ്​നൽ ലൈറ്റ് തകർന്നു. തിങ്കളാഴ്ച രാത്രി എട്ടരയോടെ ആയിരുന്നു സംഭവം. കോട്ടയത്തുനിന്ന്​ തിരുവനന്തപുരം പാലോടിന് റബർ കയറ്റിപ്പോയ ലോറിയാണ് അപകടം സൃഷ്ടിച്ചത്. റോഡിലേക്ക് മറിഞ്ഞുവീണ ലൈറ്റ് എക്സ്​കവേറ്റർ ഉപയോഗിച്ച് നീക്കി. അപകടത്തെ തുടർന്ന് ബൈപാസിൽ അരമണിക്കൂർ ഗതാഗതം ഭാഗികമായി തടസ്സപ്പെട്ടു. ലോറി തിരുവല്ല പൊലീസ് കസ്റ്റഡിയിലെടുത്തു.