സ്കൂൾ ബസ്​ ഡ്രൈവർമാർക്ക് പരിശീലനം

കോന്നി: താലൂക്കിലെ സ്കൂൾ ബസ് ഡ്രൈവർമാരുടെ ഏകദിന റോഡ് സുരക്ഷ പരിശീലന പരിപാടി സംഘടിപ്പിച്ചു. കോന്നി താലൂക്കിലെ 80 ബസ് ഡ്രൈവർമാർ പങ്കെടുത്തു. കോന്നി അഗ്​നിരക്ഷാ സേന ഉദ്യോഗസ്ഥരായ ഷിഹാബുദ്ദീൻ, സുഹൈൽ എന്നിവർ ക്ലാസ് നയിച്ചു. പങ്കെടുത്ത ഡ്രൈവർമാർക്ക് മോട്ടോർ വെഹിക്കിൾ ഡിപ്പാർട്മെന്‍റിന്‍റെ തിരിച്ചറിയൽ കാർഡുകൾ വിതരണം ചെയ്തു. കോന്നി മോട്ടോർ വെഹിക്കിൾ ഇൻസ്‌പെക്ടർ കെ.ജെ. ഷിബു, അസി.​മോട്ടോർ വെഹിക്കിൾ ഇൻസ്‌പെക്ടർമാരായ ആർ. സന്ദീപ്, എം.പി. നൗഷാദ്, സജിംഷ എന്നിവർ ക്ലാസിന് നേതൃത്വം നൽകി.