സ്കൂൾ കെട്ടിട ഉദ്​ഘാടനം

തിരുവല്ല: മേപ്രാൽ ഗവ. സെന്‍റ്​ ജോൺസ് എൽ.പി സ്കൂളിൽ പുതുതായി നിർമിച്ച കെട്ടിടത്തിന്‍റെ ഉദ്ഘാടനം മുഖ്യമന്ത്രി നിർവഹിക്കും. സ്കൂൾ അങ്കണത്തിൽ തിങ്കളാഴ്ച വൈകീട്ട്​ 3.30ന് നടക്കുന്ന സമ്മേളനത്തിൽ മുഖ്യമന്ത്രി പിണറായി വിജയൻ ഓൺലൈനായാണ് കെട്ടിടത്തിന്‍റെ ഉദ്ഘാടനം നിർവഹിക്കുന്നത്. ശിലാഫലക അനാച്ഛാദനം മാത്യു ടി. തോമസ് എം.എൽ.എ നിർവഹിക്കും. സമഗ്ര ശിക്ഷ കേരളയിൽനിന്ന്​ അനുവദിച്ച 48 ലക്ഷം രൂപ ചെലവഴിച്ചാണ് പുതിയ കെട്ടിടം നിർമിച്ചത്.