അഖിലേന്ത്യ അവകാശദിനം ആചരിച്ച്​ ജീവനക്കാർ

പത്തനംതിട്ട: കേന്ദ്ര സര്‍ക്കാറി‍ൻെറ ജനവിരുദ്ധനയങ്ങള്‍ക്കെതിരെ അധ്യാപകരും ജീവനക്കാരും ഫെഡറേഷന്‍ ഓഫ് സ്റ്റേറ്റ് എംപ്ലോയീസ് ആന്‍ഡ്​ ടീച്ചേഴ്​സ്​ ഓര്‍ഗനൈസേഷ‍ൻ നേതൃത്വത്തില്‍ അഖിലേന്ത്യ അവകാശദിനം ആചരിച്ചു. പി.എഫ്.ആര്‍.ഡി.എ നിയമം പിന്‍വലിക്കുക, ആനുകൂല്യം ഉറപ്പാക്കുന്ന പെന്‍ഷന്‍ പദ്ധതി നടപ്പാക്കുക, കരാര്‍-പുറംകരാര്‍ നിയമനം അവസാനിപ്പിക്കുക, പൊതുമേഖല സ്വകാര്യവത്​കരണവും സേവന മേഖല പിന്മാറ്റവും അവസാനിപ്പിക്കുക, വര്‍ഗീയതയെ ചെറുക്കുക, മതനിരപേക്ഷത സംരക്ഷിക്കുക, ദേശീയ വിദ്യാഭ്യാസ നയം ഉപേക്ഷിക്കുക തുടങ്ങിയ മുദ്രാവാക്യങ്ങള്‍ ഉന്നയിച്ച് ജില്ല-താലൂക്ക് കേന്ദ്രങ്ങളില്‍ പ്രകടനം നടത്തി. പത്തനംതിട്ടയില്‍ നടത്തിയ പ്രകടനം എഫ്.എസ്.ഇ.ടി.ഒ ജില്ല സെക്രട്ടറി ഡി. സുഗതന്‍ ഉദ്ഘാടനം ചെയ്തു. യോഗത്തില്‍ പി.അജിത്(കെ.ജി.ഒ.എ), ഗണേഷ് റാം (കെ.എസ്.ടി.എ), എസ്.ബിനു, എല്‍.അഞ്ജു, പി.ബി. മധു എന്നിവര്‍ സംസാരിച്ചു. ---------- ചിത്രം PTL 11 NGO അവകാശദിനാചരണ ഭാഗമായി എഫ്.എസ്.ഇ.ടി.ഒ പത്തനംതിട്ടയിൽ നടത്തിയ പ്രകടനം ജില്ല സെക്രട്ടറി ഡി. സുഗതന്‍ ഉദ്ഘാടനം ചെയ്യുന്നു --------- വൈദ്യുതി മുടങ്ങും മല്ലപ്പള്ളി: ഇലക്​ട്രിക്കൽ സെക്ഷ‍ൻെറ പരിധിയിൽ അറ്റകുറ്റപ്പണി നടക്കുന്നതിനാൽ മാന്താനം, ശ്രീകൃഷ്ണസ്വാമി ക്ഷേത്ര പരിസരം, കൈപ്പറ്റ, മാർ ഡയനേഷ്യസ് പരിസരം, മൂശാരിക്കവല, മടുക്കോലി, ബ്ലോക്ക് പഞ്ചായത്ത് പരിസരം, പുന്നമൺ, പാലക്കത്തകിടി, മുക്കൂർ പ്രദേശങ്ങളിൽ തിങ്കളാഴ്ച രാവിലെ ഒമ്പതുമുതൽ വൈകീട്ട്​ അഞ്ചുവരെ വൈദ്യുതി തടസ്സപ്പെടുമെന്ന് അസിസ്റ്റന്‍റ്​ എൻജിനീയർ അറിയിച്ചു. ---------- പ്രവർത്തക കൺവെൻഷൻ പത്തനംതിട്ട: ഡിഫറന്‍റ്​ലി ഏബിൾഡ് പേഴ്​സൺസ് ആൻഡ്​ പാരന്‍റ്​സ്​ അസോസിയേഷൻ ഓഫ് കേരള സംസ്ഥാനതല പ്രവർത്തക കൺവെൻഷൻ കെ.യു. ജനീഷ് കുമാർ എം.എൽ എ ഉദ്ഘാടനം ചെയ്തു. കുടുംബസംഗമം, ജീവനോപാധി ധനസഹായ വിതരണം, കിറ്റ്​ വിതരണം, ആദരിക്കൽ എന്നിവയും നടന്നു. സംസ്ഥാന രക്ഷാധികാരി സാമുവൽ പ്രക്കാനം അധ്യക്ഷത വഹിച്ചു. ജില്ല പഞ്ചായത്ത് വൈസ് പ്രസിഡന്‍റ്​ സാറാ തോമസ്, കെ.എം. രാജ, കെ.ആർ. അശോക് കുമാർ, സംസ്ഥാന പ്രസിഡന്‍റ്​ ജി. സദാനന്ദൻ നായർ, ജനറൽ സെക്രട്ടറി കെ.സിയാദ്, ജോസ് എബ്രഹാം, കെ. മന്മഥൻ നായർ, അനിത ആർ. പിള്ള, സൂസമ്മ തോമസ്, ഹാജിറ ജബ്ബാർ എന്നിവർ സംസാരിച്ചു. ---------- ഫോട്ടോ PTL 12 JANEESH ഡിഫറന്‍റ്​ലി ഏബിൾഡ് പേഴ്സൺസ് ആൻഡ്​ പാരന്‍റ്​സ്​ അസോസിയേഷൻ പ്രവർത്തക കൺവെൻഷൻ കെ.യു. ജനീഷ് കുമാർ എം.എൽ.എ ഉദ്ഘാടനം ചെയ്യുന്നു