മൈലപ്രയിൽ ഹർത്താൽ ആചരിച്ചു

പത്തനംതിട്ട: മൈലപ്ര സർവിസ് സഹകരണ ബാങ്കിലെ ക്രമക്കേട് അന്വേഷിക്കണമെന്നും ബാങ്ക് ഭരണസമിതി പിരിച്ചുവിടണമെന്നും ആവശ്യപ്പെട്ട് പഞ്ചായത്തിൽ ബി.ജെ.പി നേതൃത്വത്തിൽ ഹർത്താൽ ആചരിച്ചു. ബി.ജെ.പി പ്രവർത്തകർ ബാങ്കിലേക്ക് നടത്തിയ മാർച്ച്​ പൊലീസ് തടഞ്ഞു. ഇതോടെ പ്രവർത്തകരും പൊലീസും തമ്മിൽ ഉന്തുംതള്ളും നടന്നു. ഹർത്താലിനെ തുടർന്ന് കടകമ്പോളങ്ങൾ പ്രവർത്തിച്ചില്ല. ഗതാഗതം തടസ്സപ്പെട്ടില്ല.