എന്‍.ജി.ഒ യൂനിയൻ മാര്‍ച്ച്

പത്തനംതിട്ട: കേരള എന്‍.ജി.ഒ യൂനിയ‍​‍ൻെറ നേതൃത്വത്തില്‍ സംസ്ഥാന ജീവനക്കാർ പത്തനംതിട്ടയിൽ മാർച്ചും ധർണയും നടത്തി. കേന്ദ്ര സർക്കാറി‍ൻെറ ജനവിരുദ്ധനയങ്ങൾ തിരുത്തുക, പി.എഫ്​.ആർ.ഡി.എ നിയമം പിൻവലിക്കുക, നിർവചിക്കപ്പെട്ട ആനുകൂല്യം ഉറപ്പാക്കുന്ന പെൻഷൻ പദ്ധതി നടപ്പാക്കുക, പങ്കാളിത്ത പെൻഷൻ പുനഃപരിശോധന സമിതി റിപ്പോർട്ടിന്മേൽ തുടർ നടപടികൾ സ്വീകരിക്കുക, വർഗീയതയെ ചെറുക്കുക എന്നീ ആവശ്യങ്ങൾ ഉന്നയിച്ചായിരുന്നു മാർച്ച്​. കലക്ടറേറ്റ് പരിസരത്തുനിന്ന് ആരംഭിച്ച മാർച്ച് സ്വകാര്യ ബസ്​സ്റ്റാൻഡിന് സമീപം സമാപിച്ചു. തുടർന്ന് നടന്ന ധർണ യൂനിയൻ സംസ്ഥാന സെക്രട്ടേറിയറ്റ് അംഗം പി.വി. ഏലിയാമ്മ ഉദ്ഘാടനം ചെയ്തു. ജില്ല പ്രസിഡന്‍റ് എസ്. ബിനു അധ്യക്ഷത വഹിച്ചു. ജില്ല സെക്രട്ടറി ഡി. സുഗതന്‍ സ്വാഗതവും ജില്ല ജോയിന്‍റ് സെക്രട്ടറി ജി. അനീഷ്​കുമാര്‍ നന്ദിയും പറഞ്ഞു. -------- പടം: PTL42ngo കേരള എന്‍.ജി.ഒ യൂനിയൻ നേതൃത്വത്തില്‍ സംസ്ഥാന ജീവനക്കാർ പത്തനംതിട്ടയിൽ നടത്തിയ മാർച്ച്​