കോഓപറേറ്റിവ്​ പെൻഷേനേഴ്​സ്​ അസോ. ധർണ നാളെ

പത്തനംതിട്ട: വിവിധ ആവശ്യങ്ങൾ ഉന്നയിച്ച്​ കേരള കോഓപറേറ്റിവ് സർവിസ്​ പെൻഷേനേഴ്​സ്​ അസോസിയേഷൻ ജില്ല കമ്മിറ്റി നേതൃത്വത്തിൽ ബുധനാഴ്ച രാവിലെ 11ന്​ പത്തനംതിട്ട കലക്ടറേറ്റ്​ പടിക്കലേക്ക്​ മാർച്ചും ധർണയും നടത്തു​മെന്ന്​ ​ഭാരവാഹികൾ വാർത്തസമ്മേളനത്തിൽ അറിയിച്ചു. ക്ഷാമബത്ത പുനഃസ്ഥാപിച്ച് സഹകരണ ജീവനക്കാരുടേതിന് തുല്യമാക്കുക, മിനിമം പെൻഷൻ 8000 രൂപയായി വർധിപ്പിക്കുക തുടങ്ങിയവയാണ്​ ആവശ്യങ്ങൾ. ആന്‍റോ ആന്‍റണി എം.പി ഉദ്​ഘാടനം ചെയ്യും. നഗരസഭ ചെയർമാൻ അഡ്വ. ടി. സക്കീർ ഹുസൈൻ, ജില്ല പഞ്ചായത്ത്​ അംഗം റോബിൻ പീറ്റർ തുടങ്ങിയവർ സംസാരിക്കും. വാർത്തസമ്മേളനത്തിൽ ജില്ല പ്രസിഡന്‍റ്​ കോതകത്ത്​ ശശിധരൻ നായർ, സെക്രട്ടറി വി. ഹരികുമാർ എന്നിവർ പ​​ങ്കെടുത്തു