'സംവരണത്തിൽ മായം ചേർക്കുന്ന നയം തിരുത്തണം'

മല്ലപ്പള്ളി: പട്ടികജാതി വിഭാഗങ്ങൾക്ക് ലഭിച്ചുകൊണ്ടിരിക്കുന്ന സംവരണത്തിൽ മായം ചേർക്കാനുള്ള കേന്ദ്ര-സംസ്ഥാന സർക്കാറുകളുടെ നയം തിരുത്തണമെന്ന് കേരള മണ്ണാൻ സഭ (കെ.എം.എസ്) താലൂക്ക് സമ്മേളനം ആവശ്യപ്പെട്ടു. പട്ടിജാതി യുവജനങ്ങൾക്ക് തൊഴിലവസരങ്ങൾ സൃഷ്ടിക്കണമെന്നും വിദ്യാർഥികൾക്കുള്ള ലംപ്​സം ഗ്രാന്‍റ്​ വർധിപ്പിക്കണമെന്നും സമ്മേളനം ആവശ്യപ്പെട്ടു. സംസ്ഥാന പ്രസിഡന്‍റ്​ പി.കെ. സോമൻ ഉദ്ഘാടനം ചെയ്തു. താലൂക്ക് പ്രസിഡന്‍റ്​ എം.കെ. നാണു അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എം.എൻ. മധു, കെ.പി. ബാലൻ, എം.എസ്. സുധാകരൻ, എം.ജി. ഗാനമുരളി, എം.കെ. രാജപ്പൻ, ടി.കെ. മാധവൻ, പി.ആർ. കൊച്ചുകൃഷ്ണൻ, അനിൽകുമാർ, പൊന്നമ്മ സുകുമാരൻ, ടി.ആർ. ഓമനക്കുട്ടൻ എന്നിവർ സംസാരിച്ചു. ഭാരവാഹികൾ: എം.കെ. നാണു (പ്രസി), ടി.ആർ. ഓമനക്കുട്ടൻ (വൈസ്​ പ്രസി), എ.കെ. രാജപ്പൻ (സെക്ര), അനിൽകുമാർ (ജോ.സെക്ര), ടി.കെ. മാധവൻ (ട്രഷ). യൂത്ത് കോൺഗ്രസ് വിറക് വിതരണ സമരം മല്ലപ്പള്ളി: ദിനേന ഗ്യാസ് സിലിണ്ടർ വില വർധിപ്പിക്കുന്ന കേന്ദ്ര സർക്കാറി‍ൻെറ നടപടിയിൽ പ്രതിഷേധിച്ച് യൂത്ത് കോൺഗ്രസ് കുന്നന്താനം മണ്ഡലം കമ്മിറ്റിയുടെ നേതൃത്വത്തിൽ വിറക് വിതരണ സമരം നടത്തി. ജില്ല ജനറൽ സെക്രട്ടറി അഖിൽ ഓമനക്കുട്ടൻ ഉദ്ഘാടനം ചെയ്തു. മണ്ഡലം പ്രസിഡന്‍റ്​ വിഷ്ണു പ്രസാദ് അധ്യക്ഷത വഹിച്ചു. അഭിലാഷ് വെട്ടിക്കാടൻ, സൂരജ് മന്മദൻ, ബിജുമോൻ കോശി, മനു സാമുവൽ, സിജിൻ കെ. നൈനാൻ എന്നിവർ സംസാരിച്ചു.