നിർമാണവസ്തുക്കളുടെ വില നിയന്ത്രിക്കണം

പത്തനംതിട്ട: നദികളിലും ഡാമുകളിലും അടിഞ്ഞുകൂടിയ മണൽ വാരി കുറഞ്ഞ വിലക്ക്​ വിതരണം ചെയ്യുക, ക്രഷർ ഉൽപന്നങ്ങളുടെ അടിക്കടിയുള്ള വിലവർധന തടയുക, പെട്രോളിയം ഉൽപന്നങ്ങളുടെയും മറ്റു നിർമാണ വസ്തുക്കളുടെയും വിലക്കയറ്റം തടയുക തുടങ്ങിയ ആവശ്യങ്ങളുന്നയിച്ച് നിർമാണത്തൊഴിലാളി യൂനിയൻ (സി.ഐ.ടി.യു) ജില്ല കമ്മിറ്റി നേതൃത്വത്തിൽ 18ന് രാവിലെ 10ന് കലക്ടറേറ്റ് മാർച്ച് നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വാർത്തസമ്മേളനത്തിൽ ജില്ല ജനറൽ സെക്രട്ടറി എസ്. ഹരിദാസ്, വൈസ് പ്രസിഡന്‍റ്​ എം.ജെ. രവി എന്നിവർ പങ്കെടുത്തു.