പാഠപുസ്തക വിതരണം സജീവമായി

പന്തളം: വേനലവധി അവസാനിക്കാറായതോടെ . ജില്ലയിൽ ഏഴാംക്ലാസ് ഒഴികെ ഒന്നുമുതൽ 10 വരെ ക്ലാസുകളിലെ ഒന്നാംഭാഗം പാഠപുസ്തകങ്ങളുടെ വിതരണം 50 ശതമാനം പൂർത്തിയായി. ഏഴാംക്ലാസിലെ നാല്​ പുസ്തകങ്ങൾ അച്ചടിച്ചുവന്നില്ല. സർക്കാർ, എയ്ഡഡ് സ്കൂളുകൾക്കായി സ്കൂൾ സൊസൈറ്റികളിലാണ് പാഠപുസ്തകങ്ങൾ എത്തിച്ചത്. ജില്ലയിലെ സി.ബി.എസ്.ഇ സ്കൂളുകളിൽ ഒന്നുമുതൽ 10 വരെയുള്ള പാഠപുസ്തക വിതരണം മാർച്ചിൽതന്നെ പൂർത്തിയായി. എൻ.സി.ഇ.ആർ.ടി നിർദേശിച്ച പുസ്തകങ്ങളാണിത്. എന്നാൽ, സ്വകാര്യ ഏജൻസികളിൽനിന്ന്​ വാങ്ങുന്ന എൽ.കെ.ജി, യു.കെ.ജി ക്ലാസുകളിലേക്കുള്ള പാഠപുസ്തകങ്ങളുടെ വിതരണം പൂർത്തിയായില്ല. പൊതുവിദ്യാലയങ്ങളിൽ ഒന്നുമുതൽ എട്ടുവരെ ക്ലാസുകളിലെ പുസ്തകങ്ങൾ സൗജന്യമായി ലഭിക്കും. ഇവ കിട്ടുന്നില്ലെന്ന് ചിലയിടങ്ങളിൽ രക്ഷാകർത്താക്കൾ പരാതിപ്പെടുന്നുണ്ട്. ജില്ലയിൽ എത്തിച്ച ഒന്നാംഭാഗം പുസ്തകങ്ങളുടെ എണ്ണം 13.5 ലക്ഷമാണ്. ഇതിൽ 6.5 ലക്ഷം വിതരണംചെയ്തു.