ലേബർ ഓഫിസ്​ മാർച്ച്​​ നടത്തി

പത്തനംതിട്ട: ക്ഷേമനിധിയിലെ അപാകത പരിഹരിക്കണമെന്ന് ആവശ്യപ്പെട്ട്​ ഷോപ്സ്​ ആൻഡ്​ എസ്റ്റാബ്ലിഷ്​മെന്‍റ്​ എംപ്ലോയീസ് യൂനിയൻ (സി.ഐ.ടി.യു) പത്തനംതിട്ട ലേബർ ഓഫിസിലേക്ക് മാർച്ച് നടത്തി. ധർണ സി.പി.എം ജില്ല സെക്രട്ടറി കെ.പി. ഉദയഭാനു ഉദ്ഘാടനം ചെയ്തു. യൂനിയൻ ജില്ല പ്രസിഡന്‍റ്​ പി.ബി. ഹർഷകുമാർ അധ്യക്ഷതവഹിച്ചു. സെക്രട്ടറി ആർ. രവിപ്രസാദ്, മലയാലപ്പുഴ മോഹൻ, കെ. അനിൽകുമാർ എന്നിവർ സംസാരിച്ചു.