കൗൺസിലർമാർ എതിർത്തു; നിർദേശം പിൻവലിച്ചു

പന്തളം: നവരാത്രി മണ്ഡപത്തോടനുബന്ധിച്ചുള്ള സ്ഥലത്തെ പരിപാടികൾക്ക്​ ഫീസ്​ ചുമത്താൻ നീക്കം. എൽ.ഡി.എഫ് കൗൺസിലർമാർ എതിർത്തതോടെ നിർദേശം പിൻവലിച്ചു. നവരാത്രി മണ്ഡപത്തോടനുബന്ധിച്ചുള്ള സ്ഥലത്താണ് സാംസ്കാരിക സംഘടനകളും രാഷ്ട്രീയ പാർട്ടികളും യോഗങ്ങൾ നടത്തുന്നതും ഒമ്പതുദിവസം വളരെ വിപുലമായ നവരാത്രി ആഘോഷങ്ങൾ നടത്തുന്നതും. ഇതിന് 2500 രൂപയും ജി.എസ്.ടിയും ചുമത്താനുള്ള ശിപാർശയാണ്​ കൗൺസിലിൽ ഉദ്യോഗസ്ഥർ അവതരിപ്പിച്ചത്​. എൽ.ഡി.എഫ് പാർലമെന്‍ററി പാർട്ടി ലീഡർ ലസിത നായർ, കൗൺസിലർമാരായ രാജേഷ് കുമാർ, ടി.കെ. സതി, എച്ച്. സക്കീർ, അംബിക രാജേഷ്, അജിത്കുമാരി എന്നിവർ നിർദേശത്തിൽ പ്രതിഷേധിച്ച്​ രംഗത്തെത്തി. യു.ഡി.എഫ് കൗൺസിലർമാരും എതിർത്തതോടെ നിർദേശം പിൻവലിക്കുകയായിരുന്നു.