കമ്പകത്തുംപച്ചയിൽ പുലിയിറങ്ങിയതായി അഭ്യൂഹം

കോന്നി: പോത്തുപാറ കമ്പകത്തുംപച്ചയിൽ പുലിയിറങ്ങിയതായി നാട്ടുകാർ. കഴിഞ്ഞ ദിവസം രാത്രി തോട്ടാവള്ളിൽ വീട്ടിൽ കുഞ്ഞുമോന്റെ വീട്ടിലെ പശുക്കിടാവിനെ പുലി ആക്രമിച്ചതായി പറയുന്നു. കിടാവിന് ഗുരുതരമായി പരിക്കേറ്റിട്ടുണ്ട്​. പുലിക്കിടാവിനെ ആക്രമിച്ചത് കണ്ടതായി നാട്ടുകാർ പറയുന്നുണ്ട്. തുടർന്ന് വനപാലകർ നടത്തിയ പരിശോധനയിൽ പുലിയിറങ്ങിയതായ ലക്ഷണങ്ങൾ കണ്ടെത്താൻ സാധിച്ചില്ല. സ്ഥലത്ത് പരിശോധന കർശനമാക്കിയതായി വനപാലകർ പറഞ്ഞു. മുമ്പ്​ പലതവണ ഇവിടെ പുലിയിറങ്ങി കന്നുകാലികളെ ആക്രമിച്ച സംഭവങ്ങൾ ഉണ്ടായിട്ടുണ്ട്. പ്രദേശത്തെ സോളാർ വേലികൾ കാര്യക്ഷമമല്ലെന്നും നാട്ടുകാർ പറഞ്ഞു.