മകനെ കാത്തുനിൽക്കാതെ ശബരിമുത്തു യാത്രയായി

മു​ത​ല​മ​ട: മ​ക​നെ കാ​ത്തു​നി​ൽ​ക്കാ​തെ ശ​ബ​രി​മു​ത്തു (52) യാ​ത്ര​യാ​യി. ക​ഴി​ഞ്ഞ ആ​ഗ​സ്റ്റ് 30ന് ​രാ​ത്രി ച​പ്പ​ക്കാ​ട് ല​ക്ഷം​വീ​ട് കോ​ള​നി​യി​ൽ​നി​ന്ന് കാ​ണാ​താ​യ സാ​മു​വ​ലി​ന്​ (സ്റ്റീ​ഫ​ൻ -28) വേ​ണ്ടി​യു​ള്ള തി​ര​ച്ചി​ൽ 145 ദി​വ​സം ക​ട​ക്കു​​മ്പോ​ഴാ​ണ്​ അ​ച്ഛ​ൻ ശബരി​മു​ത്തു രോ​ഗ​ബാ​ധി​ത​നാ​യി തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ശ​നി​യാ​ഴ്ച പു​ല​ർ​ച്ച മ​രി​ച്ച​ത്.

ച​പ്പ​ക്കാ​ട് ആ​ദി​വാ​സി കോ​ള​നി​യി​ൽ​നി​ന്നാ​ണ് സാ​മു​വ​ൽ, അ​യ​ൽ​വാ​സി​യും സു​ഹൃ​ത്തു​മാ​യ മു​രു​കേ​ശ​ൻ (28) എ​ന്നി​വ​രെ കാ​ണാ​താ​യ​ത്. സാ​മു​വ​ൽ ജോ​ലി ചെ​യ്തി​രു​ന്ന ച​പ്പ​ക്കാ​ട്ടി​ലെ തോ​ട്ടം ഭാ​ഗ​ത്തേ​ക്ക് ഇ​രു​വ​രും പോ​കു​ന്ന​ത് നാ​ട്ടു​കാ​ർ ക​ണ്ട​താ​യി കൊ​ല്ല​ങ്കോ​ട് പൊ​ലീ​സ് സ്ഥി​രീ​ക​രി​ച്ചി​രു​ന്നു. സാ​മു​വ​ൽ ഉ​പ​യോ​ഗി​ച്ചി​രു​ന്ന ഫോ​ൺ അ​ന്നു​രാ​ത്രി 10.30 മു​ത​ൽ ഓ​ഫാ​യ​തി​നാ​ൽ സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ​യു​ള്ള അ​ന്വേ​ഷ​ണം ഫ​ല​വ​ത്താ​യി​രു​ന്നി​ല്ല. തു​ട​ർ​ന്ന്, പൊ​ലീ​സ് നാ​യെ ഉ​പ​യോ​ഗി​ച്ച് സ്വ​കാ​ര്യ തോ​ട്ട​ങ്ങ​ളി​ലും വ​ന​പ്ര​ദേ​ശ​ത്തും പ​രി​ശോ​ധ​ന ന​ട​ത്തി​യി​രു​ന്നു. മ​ണ്ണി​ന​ടി​യി​ലു​ള്ള മൃ​ത​ശ​രീ​രം തി​രി​ച്ച​റി​യാ​ൻ ശേ​ഷി​യു​ള്ള ബെ​ൽ​ജി​യം ഇ​നം നാ​യു​ടെ പ​രി​ശോ​ധ​ന​യി​ലും തു​മ്പൊ​ന്നും ല​ഭി​ച്ചി​ല്ല. ഡ്രോ​ൺ പ​റ​ത്തി​യും വ​നം വ​കു​പ്പി​നൊ​പ്പം വ​ന​ത്തി​ലും സ്വ​കാ​ര്യ തോ​ട്ട​ങ്ങ​ളി​ലും തി​ര​ച്ചി​ൽ ന​ട​ത്തി​യും പൊ​ലീ​സ് ശ്ര​മം തു​ട​ർ​ന്നു.

അ​ഗ്നി​ര​ക്ഷ സേ​ന ദി​വ​സ​ങ്ങ​ളോ​ളം ച​പ്പ​ക്കാ​ട് മേ​ഖ​ല​യി​ലെ തോ​ട്ട​ങ്ങ​ളി​ലെ കൊ​ക്ക​ർ​ണി​ക​ൾ, കി​ണ​റു​ക​ൾ എ​ന്നി​വ​യി​ൽ പാ​താ​ള​വ​ര​ണ്ടി ഉ​ൾ​പ്പെ​ടെ​യു​ള്ള​വ​കൊ​ണ്ട് തി​ര​ച്ചി​ൽ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. 60 ദി​വ​സം പി​ന്നി​ട്ടി​ട്ടും ലോ​ക്ക​ൽ പൊ​ലീ​സി​ന്റെ അ​ന്വേ​ഷ​ണ​ത്തി​ൽ തു​മ്പൊ​ന്നും ല​ഭി​ക്കാ​ത്ത​തി​നെ തു​ട​ർ​ന്ന് യു​വാ​ക്ക​ളെ കാ​ണാ​താ​യ കേ​സ് ക്രൈം​ബ്രാ​ഞ്ചി​ന് കൈ​മാ​റി. ജി​ല്ല ക്രൈം​ബ്രാ​ഞ്ച് ഡി​വൈ.​എ​സ്.​പി സി. ​സു​ന്ദ​ര​ന്റെ നേ​തൃ​ത്വ​ത്തി​ലു​ള്ള 13 അം​ഗ സം​ഘം ര​ണ്ട​ര​മാ​സം ക​ഴി​ഞ്ഞും തു​ട​ര​ന്വേ​ഷ​ണം എ​ങ്ങു​മെ​ത്താ​തെ നീ​ളു​ന്ന​തി​നി​ടെ​യാ​ണ്ശബ​രിമു​ത്തു​വി​ന്‍റെ മ​ര​ണം. മ​ക​നെ ജീ​വ​നോ​ടെ ക​ണ്ടെ​ത്തു​മെ​ന്ന ശബരി​മു​ത്തു​വി​ന്‍റെ​യും ഭാ​ര്യ പാ​പ്പാ​ത്തി​യു​ടെ​യും വ​ലി​യ പ്ര​തീ​ക്ഷ​യാ​ണ് അദ്ദേഹത്തിന്‍റെ മ​ര​ണ​ശേ​ഷ​വും ബാ​ക്കി നി​ൽ​ക്കു​ന്ന​ത്.